Францускиот претседател Емануел Макрон денеска ги информираше лидерите на земјите-членки на ЕУ за неговата посета на Вашингтон како дел од подготовките за вонреден самит следната недела. „Многу успешна подготовка за вонредниот самит на 6 март, на кој ќе одлучиме за поддршка на Украина и зајакнување на европската одбрана“, најави претседателот на Европскиот совет Антонио Коста по видео-конференцијата на која присуствуваа лидерите на сите 27 ...

На третата годишнина од почетокот на руската инвазија на Украина, Генералното собрание на ОН гласаше за резолуција со која се повикува на итно повлекување на руските сили. На гласањето во 193-членото тело за предлог резолуцијата поднесена од Украина и европските држави, 93 држави гласаа „за“, а 18 гласаа „против“. Имаше 65 воздржани. Генералното собрание потоа ја стави во процедура за изјаснување и усвојување и конкурентската американска ...

Американскиот претседател Доналд Трамп на својата социјална мрежа Трут Соушл објави видео генерирано од вештачка интелигенција, без дополнителен коментар. Видеото ја прикажува сегашната разрушена од војна Газа како се трансформира во модерен крајбрежен град, преполн со хотели, облакодери и луѓе. Оваа визија ја следи неодамнешната идеја на Трамп за преселување на Палестинците во соседните арапски земји, со цел да се изврши масовна реконструкција ...

Македонската диригентка Елена Митревска која живее и работи во Шведска, неодамна настапи со престижниот Дански национален вокален ансамбл. Во текот на три концертни вечери во Мермерната црква во Копенхаген, Митревска диригираше дела од дански, но и од композитори од светската музичка ризница кои истовремено беа проследени со спектакуларни светлосни ефекти дизајнирани специјално за настанот од Кристијан Вајнберг Бонде. Концептот со наслов ...

Пишува: ЏАБИР ДЕРАЛА Просто да се разнежи човек кога гледа колку власта се грижи за луѓето. Се грижи за нивниот спокој, за нивна добробит. Власта се грижи за луѓето да не мораат да размислуваат. Зошто луѓето би размислувале или би одлучувале преку своите институции како што се парламентот, разни форуми – чекај, што беше тоа парламент – разни совети за безбедност и слично, за тоа што треба да се направи и каде треба да оди државата!? Нема зошто ...

Администрацијата на Трамп соопшти дека ќе започне рачно да ги избира новинарите на кои ќе им биде дозволено да му поставуваат прашања на претседателот на пресови во Белата куќа. Белата куќа во вторникот соопшти дека ќе одлучи кои медиумски организации ќе учествуваат во новинарскиот базен што го покрива претседателот, со што ќе ја одземе контролата од групата новинари што го правеа тоа со децении, објави Ројтерс, пренесува ЦИВИЛ Медиа. Каролин ...

На 1 март со почеток во 20.00 ч. во Националната опера и балет ќе се изведе една од најпознатите и најпопуларни опери во историјата – „Кармен“ од Жорж Бизе. Диригент е гостинот од Италија, Џанлука Мартинeнги, режијата и сценографијата се на Нина Најденова и Елена Иванова од Бугарија, костимографијата е на Марија Пупучевска, концерт-мајстор е Јане Бакевски, а хор-мајстор: Јасмина Ѓорѓеска. Заводливата, Кармен е симбол на независност и страст, но ...

Американската вселенска компанија „Спејс-Икс“ (SpaceX) ја откри причината за намерното уништување на горната фаза на седмата ракета „Старшип“ (Starship) на 16 јануари и соопшти дека веќе се подготвува ново лансирање. Ракетата се самоуништи над британските карипски острови Туркс и Кајкос околу 10 минути по лансирањето од Тексас (САД). Според „Спејс-Икс“, проблемот бил во истекување во системот за гориво меѓу резервоарот за кислород и топлинскиот ...

Федерален судија вчера ја блокираше извршната наредба на претседателот Доналд Трамп за запирање на приемот на бегалци во САД. Одлуката на окружниот судија во Сиетл дојде како одговор на тужбата поднесена од групите за помош на бегалците и го означува последниот правен неуспех во напорите на претседателот да го преобликува американскиот став кон имиграцијата. При издавањето на привремена забрана со која се спречува извршната наредба да стапи на ...

Петицијата со која се бара одземање на канадското државјанство на милијардерот Илон Маск поради неговите „активности што се против националниот интерес на Канада“ досега доби повеќе од 250.000 потписи. Како што се наведува во петицијата, сеприсутниот советник на американскиот претседател „сега стана член на странска влада која се обидува да го избрише канадскиот суверенитет“, алудирајќи на заканите на Доналд Трамп да ја направи Канада 51-та ...

Во Скопје, Струмица и во Ротимље близу Мостар денеска ќе бидат одбележани 21 година од авионската несреќа во која животот го загубија поранешниот претседател Борис Трајковски, членови на неговиот кабинет и екипажот на авионот. Членови на семејствата, државни и други делегации ќе положат цвеќе на гробот на Трајковски Градските гробишта Бутел во Скопје и на спомен-обележјата во Ротимље и во Струмица. Претседателот Борис Трајковски загина на ...

Поранешниот тренер на Барселона, Чави, оваа сезона можеше да го преземе Манчестер Јунајтед. Според „Релево“, англискиот клуб го сметал шпанскиот стручњак како замена за Ерик тен Хаг, но тој решил да одмора до летото 2025 година, па одбил неколку понуди за работа. Чави требаше да го преземе Манчестер Јунајтед по крајот на сезоната, доколку Руд ван Нистелрој ја заврши својата работа како привремен менаџер по заминувањето на Тен Хаг. Четириесет и ...

Цените растат а власта нема соодветен одговор и ги одбива предлог решенијата на СДСМ. Само во јануари цените во малопродажба се зголемиле за 5,2 отсто. Овој раст на цени нема да се реши со објавување на цените од страна на гранапчињата или на интернет. Потребни се системски решенија за намалување на цените, истакна пратеникот на СДСМ Фатмир Битиќи, во емисијата „Само вистина“ на Канал 5 телевизија. Битиќи нагласи дека граѓаните знаат што добија, ...

Премиерот Христијан Мицкоски изјави дека очекува Советот за јавни обвинители на Република Македонија (СЈОРМ) да го слушне гласот на граѓаните во врска со разрешувањето на државниот јавен обвинител, Љупчо Коцевски. На прашањето дали доколку СЈОРМ даде негативно мислење за разрешувањето на Коцевски ќе се смета за политичко разрешување и поради кои причини се бара разрешување, премиерот одговори дека причините ќе бидат образложени во Собранието. – ...

Премиерот Мицкоски вечерва на прес-конференција најави мега-инвестиција во гасни централи која би изнесувала близу една милијарда евра од страна на турската групација „Казанчи Холдинг“, која преку своите енергетски компании што работат под брендот „АКСА“, е еден од најголемите енергетски гиганти во својата област. Со повеќе од 25 години искуство, „АКСА Енерџи“ е водечка турска компанија во енергетскиот сектор и клучен глобален инвеститор во ...

Пишува: ЕРОЛ РИЗАОВ Можат претседателите на најмоќните светски велесили, Доналд Трамп и Владимир Путин, да ја кројат светската и европската мапа како што сакаат, штом на пристојна одалеченост внимателно со воздржаност им е на припомош и кинескиот претседател Ши Џинпинг. Можат да склучат мир по нивна мерка кој до каде ќе се протега. Им се може да прогласуваат кој е агресор, а кој миротворец и дека јагнето му ја мати водата на волкот. Ќе се ...

Состојбата со слободата се влошила минатата година, а авторитаризмот се засилил, утврди невладината организација Фридом Хаус, која ја следи состојбата на демократијата ширум светот, во својот годишен извештај објавен денеска. Во извештајот се забележува дека и покрај негативните трендови, има неколку случаи на значително подобрување во регионот на Јужна Азија. Организацијата со седиште во Вашингтон ја оценува состојбата на слободата во секоја ...

Бројот на новороденчиња во Јужна Кореја во 2024 година се зголеми за прв пат по девет години, според денеска објавени официјалните податоци. Бројот на новороденчиња изнесува 238.300, што е зголемување за 300 (3,6 отсто) на годишно ниво, според податоците на јужнокорејската статистичка агенција. Последен пат земјата забележа годишен пораст на раѓањата во 2015 година, кога беа родени 438.400 деца споредено со 435.400 една година порано. Стапката ...

Марс можеби не изгледа како идеална дестинација за одмор со својата сува површина и високи нивоа на радијација, но истражувачите открија дека некогаш имал плажи. Досегашните наоди за речни мрежи и седиментни карпи укажуваа на присуство на реки, но постоеше дебата дали Марс имал и океани. Сега, тим научници објави во Proceedings of the National Academy of Sciences дека пронашле закопани плажи, анализирајќи подземни податоци од кинескиот ровер ...

Споделувањето на десертот може да го зајакне чувството на блискост во љубовта, посочува ново истражување објавено во американското научно списание „Пабмед“ (PubMed). Оние ситни мигови на битка за последното парче чоколадо во чинијата, проследено со насмевки и шеги меѓу двајца во врска – имаат подлабоко значење отколку што тоа изгледа на прв поглед, сметаат научниците. Имено, во таквиот миг се ослободува серотонин и окситоцин, хормони во ...

Википедија на македонски јазик во изминатите две децении постојано расте, станувајќи еден од главните извори на информации на македонски јазик. Од своите почетоци во септември 2003 година, со само неколку статии, денес оваа платформа нуди обемна база на податоци која опфаќа најразлични теми – од историја, географија, наука, уметност, култура, па сè до современи настани и технолошки достигнувања. Прагот од 150.000 статии на македонски јазик е ...

Владата на Чиле вчера воведе полициски час поради прекин на електричната енергија што ја зафати речиси целата земја. Министерството за внатрешни работи соопшти дека полицискиот час ќе биде во сила помеѓу 22 и 6 часот наутро од северниот регион Арика и Паринакота, кој граничи со Перу и Боливија, до регионот Лос Лагос на југ. Погодената област зафаќа повеќе од 3.000 километри. Весникот Ла Терцера јави дека околу 98 отсто од домаќинствата синоќа ...

Израелски воени авиони синоќа го бомбардираа градот Кисве, кој се наоѓа на околу 20 километри јужно од сирискиот главен град Дамаск, како и јужната провинција Дара. Сириски безбедносни извори рекоа дека цел била воена локација, но не дадоа дополнителни детали. Израелците бомбардираа и град во јужната провинција Дара со дополнителни воздушни напади, јави ТВ Сирија. Израелската војска (ИДФ) потврди дека нападнала воени цели во јужна Сирија, ...

Времето денеска во државата ќе биде променливо облачно со сончеви периоди. Претпладне по одделни котлини ќе има појава на магла. Ќе дува слаб до умерен ветер од југоисточен правец. Минималната температура ќе биде во интервал од -1 до 5, а максималната ќе достигне од 6 до 12 степени. Во Скопје, променливо облачно, претпладне во делови од котлината со појава на магла. Ќе дува слаб до умерен ветер од југоисточен правец. Минималната температура ќе ...

Лос Анџелес лејкерс утринава го совлада Далас на домашен терен со 107:99 во натпревар од регуларниот дел од НБА-сезона. Поранешниот кошаркар на Далас, Лука Дончиќ забележа трипл-дабл – 19 поени, 15 скока и 12 асистенции. На почетокот на февруари, Маверикс го разменија Словенецот со Лејкерси за Ентони Дејвис, кој го пропушти натпреварот поради повреда. Лејкерси го добија третиот последователен натпревар и се искачи на четвртата позиција во ...

Израел и Хамас постигнаа договор за размена на телата на четворица заложници за ослободување на стотици палестински затвореници, изјави израелски извор за Си-Ен-Ен, што укажува дека кревкиот прекин на огнот во Газа засега останува недопрен. Израел го одложи ослободувањето на стотици палестински затвореници и притвореници од саботата во знак на протест поради, како што рече, суровиот третман на заложниците за време на нивното ослободување од ...

Aмериканскиот претседател Доналд Трамп ги објави плановите за нова програма за визи со која ќе се доделат права за постојан престој во САД за такса од пет милиони долари. Говорејќи во Белата куќа, Трамп рече дека таканаречената „златна карта“ ќе привлече богати луѓе кои би можеле да придонесат во економијата. – Богати луѓе ќе влезат во нашата земја со купување на оваа карта. Тие ќе бидат богати и ќе бидат успешни, ќе трошат многу пари и ќе ...

Американскиот претседател Доналд Трамп изјави дека украинскиот претседател Володимир Зеленски в петок може да ги посети САД за да го потпише важниот договор за минералите . -Слушам дека тој (Зеленски) доаѓа в петок. Секако, мене ми е во ред доколку тој тоа го сака. И тој би сакал тоа да го потпише заедно со мене. И разбирам дека е тоа голема работа, многу голема работа, рече Трамп пред новинарите во Овалната соба , пишува Гардијан. Според ...

Врховната Рада објави дека ја усвои Резолуцијата бр. 13041 за поддршка на демократијата во Украина наспроти руската агресија. „Со овој документ, Собранието ја потврдува својата легитимност и единство со претседателот на Украина Володимир Зеленски, кој беше избран на слободни и транспарентни избори“, се вели во соопштението од украинскиот законодавен дом. Понатаму, Врховната Рада соопшти дека е невозможно да се одржат избори под воена состојба, ...

Кремљ го прифаќа извинувањето на претседателот на Србија, Александар Вучиќ поради како што изјави денеска портпаролот на Кремљ, Дмитриј Песков, грешката при гласањето за „антируската резолуција во Генералното собрание на Обединети нации. – Секако, го слушнавме извинувањето и го прифаќаме. Се случуваат технички грешки и таквата брза реакција на шефот на државата многу не импонира, посочи Песков. Вучиќ синоќа изјави дека Србија при гласањето за ...