Елиф Елмас и Лајпциг имаа одличен старт на подготовките за новата сезона и со победа од 2-0 над Астон вила ја започнаа американската турнеја. Македонскиот репрезентативец беше стартер за Лајпциг и одигра 73 минути пред да биде заменет. Лајпциг го победи премиерлигашот на „Ред бул арената“ во Харисон со головите на Андре Силва во 17-тата и Лоис Опенда во 41-вата минута. Елмас и Лајпциг во САД ќе одиграат и контролен дуел против Вулверхемптон ...

САД работат на тоа новата влада на Северна Македонија да го почитува Договорот од Преспа, изјави помошникот државен секретар за европски и евроазиски прашања Џејмс О’Брајан, пренесува грчка Прототема. За време на сослушувањето пред Комитетот за надворешни односи на Сенатот, американскиот дипломат тврдеше дека контактите на американските пратеници се корисни за да се задржи Северна Македонија посветена на договорот. Сенаторката Џин Шахин го ...

Абердин ја одбил првата понуда на Еспањол за Бојан Миовски, таа не била доволно висока, Болоња и Џенова уште се обидуваат да дојдат до потписот на македонскиот напаѓач. Шкотскиот клуб сака најмалку 6,5 милиони фунти за Миовски, а понудата на Еспањол била под оваа сума, по што експресно била одбиена. Болоња и Џенова зборувале со претставници на Миовски во изминатите денови и се очекува да достават и конкретни понуди до Абердин. Не се исклучува ...

Политичкиот лидер на Хамас Исмаил Ханије е убиен во Техеран, објави иранскиот државен медиум „Прес ТВ“, повикувајќи се на информации од иранската револуционерна гарда (ИРГЦ). Од Хамас, во објава на нивниот канал на Телеграм, велат дека Ханије е убиен заедно со неговиот телохранител во, како што наведуваат, израелски напад врз неговата резиденција по присуството на инаугурацијата на иранскиот претседател Масуд Пезешкијан на 30 јули. Си-ен-ен ...

Администраторите на популарната групација „Никана.гр“, сумирајќи ги нивните и искуствата на патниците кои летуваат преку нив, ги споделија периодите кога македонските граници може да се поминат најбрзо и кога има најмалку гужва. Кога станува збор за влезот во Грција преку граничните премини „Богородица“ и грчки „Евзони“, најголемата гужва е од 6 до 12 часот, додека по 20 часот е многу порастеретено. Најдобро време за влегување во Македонија од ...

Третиот македонски претставник на ЛОИ во Париз, џудистот Еди Шерифовски го заврши својот настап на игрите во престолнината на Франција со пораз во првото коло во категоријата до 81 килограм. Шерифовски немаше сила да се избори против актуелниот светски шампион, Бразилецот Гиљерме Шмит кој беше подобар со ипон во воведната борба. Тој е третиот македонски олимпиец кој го имаше својот настап на игрите по Ѓуретановиќ во пливање и Мојсовска во ...

Гостивар повлече неколку интересни потези во овој летен преоден рок, се засили со доста играчи меѓу кои и неколку домашни асови кои изминативе години постојано играа надвор од нашите граници како Душко Трајчевски, Марко Симоновски и Зени Хусмани. Меѓутоа се чини за крајот е оставено најзвучното име ако се погледне неговата тежина, кариерата, а тоа е Набил Дирар. Сите оние кои редовно ги пратат фудбалските случувања добро знаат кој е Мароканецот ...

Илјадници луѓе се собраа во неколку градови во Србија за да протестираат против проектот за ископување литиум што владата неодамна го потпиша со Европската унија. Протестите се одржуваа истовремено во западниот град Шабац и во централните градови Краљево, Аранѓеловац, Љиг и Барајево. Тие следеа слични собири во други српски градови во изминатите недели. Договорот постигнат претходно овој месец за „критичните суровини“ може да ја намали ...

Обвинување за организирање на хакерски напад на ЦНЕ, државната изборна комисија на Венецуела кој бил организиран од Македонија упати вчера јавниот обвинител на Венецуела, Тарек Вилијам Сааб. Тој за организирање на овој напад ги обвини опозициските лидери Лестер Толедо, Леополдо Лопез и Марија Корина Мачадо. На конференција за медиумите јавниот обвинител на режимот во Венецуела изјави дека хакерскиот напад потекнува од Северна Македонија. ...

Денеска во просториите на ФФМ беше извлечен распоредот за новата сезона од Првата македонска фудбалска лига која ќе почне на 11. август. Актуелниот шампион Струга сезоната ја почнува на домашен терен против Тиквеш, реновираниот Вардар кој сега има поголеми амбиции во првото коло гостува кај Брера. Прво коло: Струга – Тиквеш Беса – Шкендија Работнички – Силекс Брера – Вардар Пелистер – Гостивар Шкупи – Воска Првиот домашен меч за Вардар е ...

Познатиот макеоднски кардиолог Сашко Кедев постигна нов успех во неговата мисија да си искачи сите врвови со надморска височина поголема од 8000 метри. Имено, тој го искачи Гашербрум II кој е со надморска висина од 8035 метри и ова претставува негово 11-то искачување од вкупно 14-те врвови кои надминуваат 8 илјади метри. Гашербрум II, позната и како К4, е 13-та највисока планина на Земјата. Сместена е на границата помеѓу провинцијата ...

Македонската јуниорска кошаркарска репрезентација ја забележа и третата победа на Европското првенство-Дивизијата „Б“ во Скопје. Нашиот национален состав овојпат беше подобар од Чешка со 94:86 и сега има перфектни „три од три“ во групата Ц. Најдоброто издание избраниците на Горан Андреевски го имаа во втората четвртина која ја реализираа со 32:22, а го добија и завршниот период со 22:18 кога противникот притискаше и се обидуваше да го сврти ...

Турција би можела да влезе во Израел за да им помогне на Палестинците како што направи некогаш во Либија и во Нагорно Карабах, изјави синоќа турскиот претседателот Реџеп Таип Ердоган. -Мораме да бидеме многу силни за Израел да не може во Палестина да го направи тоа што го прави сега, рече турскиот претседател на митингот на владејачката партија АКП во црноморскиот град Ризе, пофалувајќи ги резултатите на индустријата за оружје. -Како што ...

Ова е големо искуство за мене, ќе се прикажам во најдобро светло на следните големи натпреварувања, изјави младиот пливач Никола Ѓуретановиќ по вчерашниот настап на 400 метри слободно на Олимписките игри во Париз. Со 16 години, Ѓуретановиќ е најмладиот член на македонскиот олимписки тим во Париз и токму тој беше првиот кој излезе на борилиштата, постигнувајќи резултат кој не е на ниво на неговиот личен рекорд. Тој пливаше во првата ...

Дванаесет лица, меѓу кои и деца, се убиени во саботата во ракетен напад врз фудбалско игралиште во село на заедницата Друзи воокупираната од Израел Голанска висорамнина, соопштија израелските власти, обвинувајќи ја за нападот либанското шиитско движење Хезболах. Ракетен напад од Либан врз Мајдал Шамс, исто така, ранил 13 лица, според Маген Давид Адом, еквивалент на Црвениот крст на Израел. Претходно беше соопштено дека се ранети 34 лица. Мајдал ...

Пред 103 години, на денешен ден – 28 јуни подло и предавнички бил убиен големиот македонски револуционер и публицист Ѓорче Петров. Во 1921 година по излегувањето од работа свратил во кафеана во Софија. Помуабетил со Петар Чаулев, член на ЦК на ВМРО и на излегување по него тргнало и лицето по име Реџеп… По неколку минути Ѓорче Петров бил убиен. Така завршил животниот пат на еден од најголемите македонски револуционери, личност која целиот свој ...

Православните христијански верници денеска го слават празникот на Свети Наум Охридски – Чудотворец, значаен средновековен научник, писател, учител, и еден од основоположниците на словенската писменост и македонската писменост и просвета. Чествувањето започна синоќа во манастирскиот комплекс на брегот на Охридското Езеро каде се одржа празнична вечерна богослужба, а и денеска ќе се одржи богослужба. Вообичаено, како и секоја година на празникот ...

Американската авионска компанија „Боинг“ ќе признае вина за злосторничко здружување и ќе плати 243 милиони долари казна поради две авионски несреќи што се случија во 2018 и во 2019 година. Тие се случија во Индонезија и во Етиопија, при што вкупно загинаа 346 луѓе. Причини за несреќите се технички дефекти на новите модели на авиони 737 МАКС. Компанијата е обвинета за прекршување на договорот за одложено гонење во 2021 година, во кој „Боинг“ ...

Кина започна со тестови за сертификација на најголемиот амфибиски авион во светот, што претставува значајна пресвртница во нејзините воздухопловни и поморски способности. Станува збор за авионот AG600, развиен од Корпорацијата за воздухопловна индустрија на Кина (AVIC), кој е првенствено дизајниран за поморски патроли и операции за пребарување и спасување. Според AVIC, овој авион е клучен за Кина бидејќи може да стигне до која било локација во ...

Министерот за спорт, Борко Ристовски, неуморно на терен. Денеска изврши увид на локацијата каде што е планирана изградба на нова атлетска патека во Гевгелија. Оваа иницијатива произлегува од барањето на група спортски работници, изнесено за време на предизборните посети. Со овој проект, Гевгелија ќе добие модерна атлетска патека, која ќе биде клучна за развој на атлетските активности во градот и околината. По детална анализа, е избрана ...

Mладиот македонски пливач Никола Ѓуретановиќ кој како прв од македонските спортисти се појави на олимписките борилиштата во Париз забележа неуспех во квалификациите. Утринава тој учествуваше во квалификациите на 400 метри слободно и го освои последното место. Ѓуретановиќ пливаше во првата група со само петмина пливачи и стигна последен на целта за четири минути, пет секунди и 38 стотинки, речиси три секунди побавно од личниот рекорд. Трката ја ...

Остра реакција и изрази на незадоволство и огорченост од неприфаќањето на нивното барање за загарантирани пратенички места со измените во изборната реформа во Албанија изразија партиите на Македонците, Власите, Египќаните и Ромите во оваа земја. Реформата доцна синоќа ја изгласа албанскиот парламент. -Во име на партиите на македонската, влашката, египтјанската и ромската заедница во Албанија, особено партијата Македонска алијанса за европска ...

Шеснаесетгодишниот пливач Никола Ѓуретановиќ е првиот од нашите олимпијци кој треба да настапи во дисциплината 400 метри слободно денеска околу 11.45 часот на Олимпискиот базен во Париз. – Овие денови тренирав супер и се чувствувам подготвено. Се надевам на апсолутен рекорд на Македонија и соборување на мој личен рекорд, се зборовите на Ѓуретановиќ. Ѓуретановиќ треба да настапи во првата група, на четвртата патека, а во истата група ќе има уште ...

Албанскиот парламент по маратонска расправа, доцна синоќа, со 106 гласови “за” ја изгласа новата изборна реформа. За гласаа пратениците од владејачкото мнозинство и опозициските демократи на Сали Бериша, додека демократите на Љуљзим Баша беа за целосно отворени листи, обвинувајќи за таен договор меѓу СП и ДП, нарекувајќи го “атентат врз демократијата”, со кој му е обезбеден четвртиот мандат на Еди Рама. Со новиот закон, на парламентарните ...

Со уникатно шоу на реката Сена вечерва во 19:30 часот свечено ќе бидат отворени 33. летни Олимписки игри (ЛОИ) во Париз. На Игрите ќе настапат 10.500 спортисти од 206 држави, кои ќе се натпреваруваат во 32 спортови, а прв пат во историјата ќе бидат поделени олимписки одличја во брејкденс. Од 6.000 до 7.000 спортисти (од вкупно 10.500), кои ги претставуваат земјите-учеснички, ќе продефилираат во 85 чамци на Сена во боите на нивната делегација, ...

За време на неговиот говор во американскиот Конгрес, израелскиот премиер Бенјамин Нетанјаху го спомна наводниот ирански заговор за убиство на поранешниот американски претседател Доналд Трамп. На Трамп не му требаше многу време да се огласи на својата социјална мрежа Truth Social. -Ако го убијат претседателот Трамп, што е секогаш можност, се надевам дека Америка ќе го избрише Иран од лицето на Земјата. Ако тоа не се случи, американските лидери ...

Лина Ѓорческа мораше да прави пресврт, но на крајот оствари голема победа за пласман во четвртфиналето на турнирот во Португалија, кој се игра за награден фонд од 100.000 долари. Македонската тенисерка денеска се соочи со петтата носителка Ариане Хартоно на турнирот во Фигуера Да Фоз и успеа да се врати по загубен сет, за конечна победа од 2:1 во осминафиналето. Подобро рангираната тенисерка го доби првиот сет со 6:4, но потоа следуваше ...

Министерството за здравство на Словенија досега платило вкупно 260.000 евра отштета за пет случаи на тешки компликации по вакцинацијата против Ковид-19, соопшти Министерството за здравство. Пет лица ги примиле вакцините „комирнати“ од компанијата „Фајзер“ или „ваксеврија“ од компанијата Астра Зенека. Во периодот од 2022 до 2024 година во Министерството за здравство пристигнале 221 барање, а 20 барања се уште се во обработка, пренесе агенцијата ...

Во првите шест месеци од годината, Унгарија позајмила една милијарда евра од кинески банки за да се справи со тешката финансиска ситуација со која се соочува како членка на Европската Унија. Информациите за заемот не беа директно објавени од владата, туку беа откриени од порталот Портофолио преку јавни податоци. Заемот е со променлива каматна стапка и тригодишен рок на отплата, објавено е на веб-страницата на Агенцијата за управување со ...

Американскиот претседател Џо Бајден во средата, во своето прво јавно обраќање по повлекувањето од претседателската трка против Доналд Трамп, рече дека се откажал од вториот мандат поради загриженост за иднината на земјата, па затоа „го предал факелот на новата генерација“. Во своето обраќање од Овалната канцеларија на Белата куќа, актуелниот претседател се повика на неговите претходници Томас Џеферсон, Џорџ Вашингтон и Абрахам Линколн додека ...