Пет дена откако започна учебната година, децата со посебни образовни потреби сè уште не можат да посетуваат настава бидејќи немаат образовни асистенти. Родителите на овие ученици тврдат дека нивните деца си ги бараат своите асистенти и е многу важно тие да не се менуваат често. Од друга страна, министерката за образование Весна Јаневска посочува оти обврска на училиштата е да ги објават конкурсите за ангажирање на асистентите. „На 2 септември, ...

Бројот на ученици запишани во средните стручни училишта од година во година расте. Годинава, по трите уписни рока, во средните стручни училишта се запишале речиси 12 илјади ученици од генерацијата која број околу 17 илјади, информираше министерката за образование и наука Весна Јаневска. Таа денеска, заедно со амбасадорката на Швајцарија, Вероник Улман и Антони Пешев, извршен директор на Стопанската Комора ја посетија компанијата Каз Груп, која е ...

Комисијата за транспорт, дигитална трансформација, животна средина и просторно планирање ги повлече предлог законите за прогласување на Охридското Езеро за споменик на природата и за прогласување на Студенчишко Блато за парк на природата. Граѓанската организација „Фронт 21/42“, која во изминатиот период имаше многу забелешки на текстот на законите, денеска информираше дека се задоволни од оваа одлука и дека очекуваат правните акти да се ...

Граѓанската организација „Младите можат“ ја започнаува кампањата „Твоја приказна, наша поддршка“, чија основна цел е зголемување на свесноста и информираноста за важноста на менталното здравје кај младите на возраст од 14 до 18 години. Кампањата ќе се спроведе во средните училишта во државата и ќе опфати низа едукативни активности насочени кон учениците, но и кон наставниот кадар и стручните служби. „Целта е да понудиме конкретни решенија за ...

„Јутјуб“ ќе престане да им препорачува видеа на тинејџерите за телесна тежина или физички карактеристики, откако експертите предупредија дека таквите содржини може да бидат штетни доколку се гледаат премногу пати. Платформата сè уште ќе им дозволува на младите од 13 до 17 години да ги гледаат видеата, но нејзините алгоритми нема да им ги „препорачуваат“ на младите корисници таквите соддржини, пишува Гардијан. „Јутјуб“ соопшти дека експертите од ...

Се работи за објава во која се пропушта контекстот поради фактот што не е наведено дека повикот на украинската амбасада не е нов и активен, туку стар и после него следуваше соопштение од МНР во кое се известуваат државјаните на Северна Македонија дека учеството во странска војска е кривично дело. Исто така, во Украина нема војници на С. Македонија, па поради тоа не може да се направи ни пејоративната паралела „до последниот севержистанца“. ...

Во Black Myth: Wukong, слично како во легендата за кинескиот митски јунак „Кралот Мајмун” кој менува форми, секогаш кога ќе победите главен непријател можете накратко да ја добиете неговата форма и да ги користите неговите комбинации од удари. Тука се и различните „скинови“ (менување на изглед на облека или оклоп и оружја) и „модови“ (додатоци што менуваат изглед со целосно анимирани ликови во играта) кои се моментално актуелни во Вуконг. На ...

На 5 септември започнува кампања на Кикстартер за поддршка на нова епизода на стрипот „Брут“ која ќе ја црта македонскиот стрип автор Здравко Гиров, според сценарио на Канаѓанецот Престон Сквајер (Preston Squire). Стриповите за Брут или „најтврдиот тип во галаксијата” (Brute: The Toughest Guy in the Galaxy) се научно-фантастични авантури во стилот на „Војна на ѕвездите“ и „Чувари на галаксијата”. Во главните улоги настапуваат Брут, вонземјанин ...

Во Диабло 4 ќе се воведуваат „платеници“ односно придружници кои всушност преставуваат недовршена Вештачка интелигенција. Ваквите платеници прв пат се појавија во Диабло 2 каде можеше да се најми ranger девојка, маж со копје и варварин да се борат покрај вас. За добиете некој од новите придружници веројатно ќе треба да завршите серија квестови. Се очекува и да се воведат нови платеници или скинови за постоечките кои би се добивале со плаќање на ...

Се ограничува највисоката трговска маржа на училишниот прибор. На вториот ден од новата учебна година, премиерот Христијан Мицкоски рече дека Владата донела ваква одлука со цел да се намалат трошоците за набавка на училишен прибор. Според одлуката, со ограничена маржа од 5 отсто на големо и 10 отсто на мало ќе се продаваат тетратките, ранците, боиците, пластелинот, фломастерите, мрсните боици, линеарите, острилките, гумите за бришење, детските ...

Владата да распише студентски конкурс за решение за фасадите на новите објекти на Факултетот за информатички науки и компјутерско инженерство (ФИНКИ) и Факултетот за физичко образование, спорт и здравје (ФФОСЗ – ДИФ), бараат студентите на Универзитетот „Св. Кирил и Методиј“ во Скопје (УКИМ). Универзитетското студентско собрание при УКИМ (УСС УКИМ) испратило официјално барање до македонската Влада за ова прашање. Во документот, студентите велат ...

Александар Сибиновски, директорот на училиштето за средно образование „Владо Тасевски“, по пет и пол годишен се повлекува од функцијата директор, соопшти тој денеска на неговиот Фејсбук профил. Тој на оваа позиција беше назначен во 2018 година. Сибиновски ќе биде запаметен по тоа што во годините на неговиот мандат постави нови стандарди во осовременувањето и техничкото опремување на училиштето. „Понекогаш стремежот за континуиран развој, за ...

Штрковите во Македонија се пребројани, објави Македонското еколошко друштво (МЕД) по спроведувањето на пописот во рамки на осмиот Европски цензус на штркови што се прави на секои десет години. Попис на штрковите во земјава првпат се спроведе во 2014 година, а годинава е забележано зголемување на популацијата на овие птици и тоа за дури 60 отсто – бројот на активни гнезда, од 837 во 2014 година, годинава пораснал на 1.388. Истовремено, годинава ...

Учениците заслужуваат современи методи на учење, критичко размислување и интегрирање на информатичката технологија и дигитални трендови во наставата, како и да се вложува во научно-истражувачката дејност и да се јакне ученичката самостојност. Ова е ставот на во Младинскиот образовен форум (МОФ), на првиот училишен ден. „Денес, на 2 септември, околу 67 илјади средношколци и 180 илјади основци седнуваат во училиштните клупи со желба за нови знаења ...

Објавена е најновата експанзија за подземниот свет наречена The War Within за World of Warcraft. Исто така наближува и 20 годишнината на World of Warcraft франшизата и се очекуваат повеќе настани за прославата со специјални награди кои можете да ги добиете само ако сте претплатник и ги направите потребните задачи познати како „квестови“. Централната прослава во игра ќе се одржи на 1 ноември. Самата приказна и кампања во играта е содржајна и се ...

Порталб.мк спроведе анкета за заминувањето на младите од Северна Македонија. Од 134 анкетирани кои одговорија на анкетата, 22 млади рекоа дека веќе ја напуштиле државата, а од преостанатите 112 кои сè уште се наоѓаат во РСМ, 67 планираат да заминат. Причините за заминување се најразлични, но меѓу главните кои ги набројаа младите се корупцијата, политизацијата, непотизмот, здравството, ниските плати и стандард и други. Млади за Порталб.мк ...

Денеска на првиот училишен ден, во училиште појдоа 245.000 основци и средношколци. Според Министерството за образование и наука (МОН), за последните седум години бројот на ученици во основните и средните училишта е намален за 17.000 што е околу 7 отсто. Во прво одделение, пак, според МОН, се запишале 3.500 ученици помалку во споредба со учебната 2018 година. бројот на првачиња е намален за околу 3.500, соопштија во Министерството за образование ...

Претставничката на УНИЦЕФ во Македонија, Лесли Милер преку соопштение до јавноста им посака успешна учебна година на сите ученици, наставници и вработени во училиштата, потенцирајќи дека образованието е темелот за безбедно, инклузивно, просперитетно и одржливо општество. Според неа, да се создаде средина каде што се негува различноста и се вреднуваат сите ученици е од суштинско значење за реализација на целосниот потенцијал на секој ученик. ...

Повисоки плати побараа учесниците на денешниот собир на наставници и просветни работници што го организираше Комисијата за образование и наука на СДСМ, а кој се одржа пред зградата на Министерството за образование и наука (МОН). Просветните работници не сакаат да бидат потценети, девалвирани и уценети, беше пораката од собирот. „Бараат да бидат вклучени во подготовките на сите реформски процеси, да го дадат својот придонес за образованието. Ако ...

Наставата во новата учебна година нема да трае подолго од 10 јуни и нема да има пролетен распуст. Едносменска настава се воведува во 140 училишта, а како поддршка на учениците со попреченост ќе бидат ангажирани над 1.000 образовни асистенти. Ова денеска го изјави министерката за образование и наука Весна Јаневска на прес-конференција пред утрешниот почеток на новата учебна 2024/2025 година. Таа рече дека, за првпат по седум години, учебната ...

Како извонреден доказ за посветеноста и истрајноста на младите жени во медицината, трите најдобри дипломирани на водечките медицински факултети во Македонија оваа година се жени. Анастасија Петличковска, Аљбина Рамадани и Бојана Кацарова ја добија наградата „Примариус д-р Димитар Ивановски“ што секоја година Лекарската комора на Македонија им ја доделува на тројцата студенти со највисок просек на трите државни медицински факултети во рамки на ...

Играниот филм „Домаќинство за почетници”, по сценарио и во режија на Горан Столевски, а во продукција на „Лист Продукција“, ја освои наградата „Златна мимоза“ за најдобра режија на филмскиот фестивал во Херцег Нови, кој се одржа од 23 до 29 август. „Домаќинство за почетници” беше дел од натпреварувачката програмата за долгометражни играни филмови, а за нагрдата одлучуваше жирито во состав: Лордан Зафрановиќ, Пјер Жалица и Павле Симоновиќ. Оваа ...

Во текот на вчерашниот ден имаше вкупно 22 пожари на отворен простор, од кои активен е 1, под контрола е 1 и изгаснати се 20, соопшти Центарот за управување со кризи (ЦУК). Активен е пожарот во општина Штип, помеѓу селата Едеклерци и Хаџи-Хамзали, префрлен на армискиот полигон Криволак (нискостеблеста шума и сува трева). „Под контрола е ставен пожарот во општина Чашка: Планина Мукос, с. Степанци и м.в. Кадиица на граница помеѓу општина Чашка и ...

Израелските војници тврдат дека убиле пет палестински милитанти во џамија на Западниот Брег по „размена на оган за време на антитерористичките операции во Тулкарм“, соопштија денеска израелските одбранбени сили, пренесе „Гардијан“. Насилството доаѓа откако израелските сили убија најмалку 10 Палестинци на Западниот Брег во ноќните напади и воздушните напади што се случија вчера. Армијата соопшти дека тие операции имале за цел да ги задржат ...

Научно-фантастичниот филм „Осмиот патник: Ромул“ или во оригинал „Alien: Romulus“ веќе неколку недели жнее успеси на киноблагајните низ светот, во САД надминувајќи го летниот хит „Дедпул и Вулверин“, а добро му оди и во Велика Британија, Ирска, како и во Кина. Дистрибуцијата во нашиот регион на социјалните мрежи ја заживеа старата дебата за соодветноста на регионалниот превод на името на франшизата. За многумина преводот „Осмиот патник“ наместо ...

Овој напис од Дарија Дергачева е првобитно објавен од Глобал војсис, а Мета.мк го реобјавува врз основа на договор за размена на содржини меѓу Фондацијата Метаморфозис и Глобал војсис. Истражниот комитет на Белорусија објавил почеток на специјална правна постапка против белорускиот стендап-комичар Вјачеслав Комисаренко, познат како Слава Комисаренко, извести Медуза. Тој моментално живее во странство. Комисаренко е обвинет за навреда и клевета ...

Вчера биле приведени две лица за два посебни случаи на предизвикување пожари. Едниот случај бил во струшкото село Велешта, а другиот во близина на Прилеп, пренесува Министерството за внатрешни работи (МВР). Вчера во 17.40 часот на локалниот пат с. Велешта кон с. Октиси, 38-годишното лице М.В. од с. Велешта, струшко бил лишен од слбода. Тој предизвикал пожар во атарот на селото. Пожарот бил изгаснат од страна на Територијалната противпожарна ...

Покрај иницијалното барање за намалување на цените, апелираме да се продолжи мерката за субвенции за меѓуградски превоз според која за време на изминатата година студентите добиваа до 1.200 денари месечно, пари со кои си купуваа билет за меѓуградски превоз, бараат во Универзитетското студентско собрание (УСС) при Универзитетот „Св. Кирил и Методиј“ (УКИМ). „Ако не е возможно да се продолжи исплата на оваа мерка, во тој случај сметаме дека е ...

Илјадници потенцијални идни студенти од утрово поминаа низ ходниците и дворовите на факултетите кои се дел од Универзитетот „Св. Кирил и Методиј“ (УКИМ) во Скопје, за да се запишат на некоја од студиските програми што ги нуди универзитетот. Денеска и утре трае првиот уписен рок на најстариот универзитет во земјава. Откако се пријавија електронски, идните бруцоши овие два дена треба да ги достават оригиналните документи и во хартиена форма во ...

Во високото образование во Хрватска, школарината за студентите од Македонија ќе биде иста како и за домашните студенти, Ова е превидено со договорот кој денеска го потпишаа министерката за образование и наука Весна Јаневска и министерот за образование, наука и млади на Хрватска Радован Фукс. Согласно договореното, во областа на основното и средното образование, учениците државјани на едната држава ќе имаат право да се школуваат во другата држава ...