Украинскиот претседател, Володимир Зеленски, ќе биде во Париз следната недела за да разговара со клучните европски лидери за тековните напори за ставање крај на војната, безбедносните гаранции за Киев и зголемената помош за неговата земја, изјавија двајца дипломати. Дипломатите рекоа дека Зеленски ќе пристигне во Париз на 26 март и дека средбите со лидерите ќе се одржат на 27 март, а ќе бидат вклучени Обединетото Кралство, Полска и Германија. ...

Кај сите 59 настрадани во пожарот во Кочани причината за смртта е насилна и е настаната заради насилно задушување и е во директна поврзаност со пожарот во дискотеката „Пулс“, информираше денеска првиот човек на Судска медицина, Александар Станков околу обдукцијата на телата на сите починати во дискотеката. „Обдукциите започнаа во вечерните часови на 16.03 а завршија во претпладневните часови на 18.03. Паралелно со обдукциите, беше собиран и ...

СВР Охрид поднесе кривична пријава против В.А.(53) од Охрид поради постоење основи на сомнение за сторено кривично дело „злоупотреба на службената положба и овластување“ и против Л.А.(42) од Струга, В.А.(59) од струшкото село Радолишта, А.М.(55) од Струга, В.П.(49) од Охрид и Ј.Б.(49) од Струга поради постоење основи на сомнение за сторено кривично дело „несовесно работење во службата“. Првопријавениот, во текот на 2023 година, во својство на ...

Управата за финансиска полиција активно е вклучена во големата акција за проверка на работата на објектите што функционираат како кабареа, дискотеки и ноќни клубови во земјата и постапува во согласност со своите законски надлежности. На располагање се ставени сите капацитети на Управата за финансиска полиција за потребите на оваа акција, која има цел да открие евентуални неправилности и нелегални активности во работењето на овие објекти. ...

Една нова студија на истражувачите од Универзитетот „Алто“ во Финска сугерира дека владите, меѓународните организации и истражувачите можеби значително го потцениле бројот на луѓе што моментно живеат на планетата Земја бидејќи повеќето бази на податоци не го вклучуваат процентот на луѓе што живеат во руралните области, кои тешко се следат и регистрираат. Студијата на фински истражувачи, објавена во списанието Nature communications и која ги ...

Суданската армија повторно ја зазеде претседателската палата во Картум, соопштија воени офицери. Палатата била контролирана од паравоените сили за брза поддршка (РСФ) две години. Видеото: ...

Рускиот претседател Владимир Путин потпиша указ со кој министерот за надворешни работи Сергеј Лавров го одликува со Орден. Највисокото руско одликување му беше доделено на Лавров на неговиот 75-ти роденден, пренесува „РИА новости“. „За исклучителни заслуги за татковината, голем придонес во развојот и спроведувањето на надворешната политика на Руската Федерација и долгогодишната плодна државна активност, министерот за надворешни работи на ...

Опкружен со студенти и наставници, американскиот претседател Доналд Трамп потпиша извршна наредба во Белата куќа за затворање на Министерството за образование, објави „Ројтерс“. Агенцијата забележува дека на тој начин Трамп ги исполнува своите долгогодишни предизборни ветувања на републиканските гласачи. „Ќе го затвориме“, рече американскиот претседател непосредно пред потпишувањето на извршната наредба, додавајќи: „Ќе го затвориме и ќе го ...

Белгискиот премиер Барт де Вевер изјави вчера, по состанокот на лидерите на ЕУ во Брисел, дека заплената на речиси 200 милијарди евра замрзнати руски средства од Европа ќе биде акт на војна. Тој исто така предупреди дека таквиот потег ќе претставува ризик за целиот светски финансиски систем и ќе предизвика одмазда од Москва, пренесува „Политико“. Предупредувањето на Де Вевер дојде во време кога европските земји, како Франција, Обединетото ...

Црвениот крст на РСМ вчера беше дел од организацијата на погребите на трагично загинатите лица од пожарот во Кочани. Беа ангажирани вкупно 165 волонтери, кои дејствуваа како тимови за прва помош и психолошка поддршка, поставени пунктови и логистичка поддршка на сите места на кои се извршени погребите, обезбедена погребална опрема и транспорт за починатите. „Свесни сме за ситуацијата и сочувствуваме со болката и тагата на погодените семејства и ...

Денес, од болница излегуваат десетмина пациенти што се лекуваат кај нас, соопшти утрово министерот за здравство, Арбен Таравари. Си заминува дома еден повреден, кој беше сместен во болницата во Штип, еден од детска хирургија, тројца од торакална хирургија и уште петмина сместени во болниците „Аџибадем систина“ и „Жан Митрев“. „Ме радува тоа што десетмина ќе продолжат дома по направените токсиколошки анализи. Ќе се вратат дома да продолжат со ...

Деновиве, во рамките на законските надлежности, истовремено во соработка со Државниот пазарен инспекторат и СВР Битола, Општина Битола презема низа активности во однос на контрола на угостителските објекти во градот. 1. Општинскиот инспекторат од почетокот на работната недела на терен врши проверка на сите категоризирани објекти на физички лица што се под општинска надлежност дали ги исполнуваат минимално техничките услови во согласност со ...

Францускиот претседател Емануел Макрон синоќа изјави дека е убеден оти ЕУ ќе мора да се врати на заедничко задолжување за да го исплати претходниот долг и за повеќето трошоци за одбраната. „Убеден сум дека ни треба паневропски заеднички заем за да почнеме да го враќаме долгот подигнат за закрепнување од пандемијата и да можеме да ги финансираме нашите потреби во областа на вештачката интелигенција, одбраната, климата“, рече Макрон по ...

Унгарскиот премиер Виктор Орбан денеска изјави дека секој може да види оти војната во Украина е изгубена и дека е лоша одлука да се влезе во неа. Тој додаде дека секое унгарско домаќинство изгубило речиси 6.000 евра поради војната, а богатите земји изгубиле уште повеќе, пренесе МТИ. Орбан денеска за унгарските јавни медиуми изјави дека Унгарија не треба да се плаши од ситуации во кои застапува поинаква позиција од другите 26 членки на ...

Синоќа во 23.15 часот во Гостивар, полициски службеници од ОВР Гостивар го лишиле од слобода С.Т.(54) од Кавадарци, со живеалиште во Гостивар. Тој се сомничи дека во периодот од 12.00 до 13.00 часот во помошна просторија од куќа на Р.Н.(71) од Гостивар извршил кражба, при што одзел околу 7.000 евра во разни апоени. Кај него биле пронајдени и одземени дел од парите. Тој бил задржан во полициска станица и по целосно документирање на случајот, ...

Едниот од осомничените за пожарот во дискотеката „Пулс“, одговорно лице во клубот, усно го договорил концертот, без притоа да биде пропишан договор со групата ДНК. Државниот јавен обвинител Љупчо Коцевски рече дека потоа, заедно со осомничените управители и осомничените припадници на агенцијата за обезбедување, свесни дека капацитетот и условите во објектот не го дозволуваат тоа, овозможиле влез на приближно 650 посетители, меѓу кои имало ...

За внесувањето и употребата на пиротехничките средства е осомничен и еден член на музичката група ДНК, објави јавниот обвинител, Љупчо Коцевски. „Постои сомнение дека членовите на бендот околу 02:32 часот како дел од сценскиот настап и ефект ги активирале експлозивните материи – пиротехнички фонтани кои исфрлале искри во правец на плафонот над сцената од кои веднаш се опожарил кровниот дел од објектот и пожарот се проширил по целиот објект“, ...

Сопругата на поранешниот министер за економија, Крешник Бектеши, се огласи на социјалните мрежи откако нејзиниот сопруг е еден од притворените како инволвиран во трагедијата во кочанската дискотека. Илка Каба-Бектеши изрази сочувство до семејствата на настраданите и вели дека е скршена од болка. Таа вели дека Крешник го пуштиле да си оди дома, но кога се подготвил да излезе од станица, му кажале дека му одредуваат 24-часовна мерка. „Посакувам ...

Граѓаните на Кочани во објава на „Фејсбук“ реагираат дека се отстранети штандот за свеќи и книгата на жалост иако сѐ уште трае седумдневната жалост. „Зошто се отстранети штандот за свеќи и книгата на жалост иако сѐ уште трае седумдневната жалост. Граѓаните на Кочани со огорченост реагираат на отстранувањето на штандот за палење свеќи и на книгата на жалост од градскиот парк. Овој простор, кој беше место за оддавање почит на жртвите, е тргнат и ...

По предлог на градоначалникот Валбон Лимани, Општина Гостивар денеска одобри финансиска помош во износ од 1.000.000 денари за семејствата на жртвите и повредените во трагедијата во Кочани. Одлуката беше донесена на вонредна седница на Советот на Општината, која започна со едноминутно молчење во чест на 59-те животи загубени во трагичниот пожар на 16 март. „Трагедијата во Кочани е голема рана, но и предизвик што нè упатува да бидеме ...

Матурантот, кој беше тешко повреден при уривањето на натстрешникот на железничката станица во Нови Сад, почина по четири месеци и 20 дена борба за животот станувајќи 16-та жртва на оваа трагедија, која со месеци предизвикува протести на студентите и граѓаните во Србија. Станува збор за Вукашин Црнчевиќ, 18-годишно лице, кое на 27 јануари беше префрлено на ВМА од Универзитетскиот клинички центар во Војводина, каде што неговата состојба беше ...

Последната анкета на медиумската компанија „Фокс њуз“ покажа дека американската поддршка за украинскиот претседател Володимир Зеленски е намалена иако мнозинството сѐ уште го поддржува обезбедувањето финансиска помош за таа земја. Анкетата беше спроведена пред американскиот претседател Доналд Трамп да оствари два постојани разговора со рускиот претседател Владимир Путин во вторникот и со Зеленски во средата, при што странските лидери се ...

СВР Струмица, до Основното јавно обвинителство Струмица, поднесе кривична пријава против правно лице од Струмица и Д.Ј.(37) од Кавадарци, управител на правното лице, поради постоење на сомнение за сторено кривично дело „даночно затајување“ по член 279 од Кривичниот законик. Пријавените, во периодот од 01.12.2023 до 31.12.2023, имале обврска како даночни обврзници да извршат уплата на данок од личен доход на добивка од игри на среќа во износ од ...

СВР Струмица-ОВР Гевгелија, до Основното јавно обвинителство Гевгелија, поднесе кривична пријава против П.П.Г.(30) од село Стојаково, општина Богданци, П.Р.(39) од Валандово и В.Ќ.(31) од село Стојаково поради постоење основи на сомнение дека сториле кривично дело „неовластено производство и пуштање во промет на наркотични дроги, психотропни супстанци и прекурзори“ по член 215 од Кривичниот законик. На 18.03.2025 околу 18.00 часот во Стар ...

Вицепремиерот и министер за транспорт, Александар Николоски, на прес-конференција зборуваше за контролата на сите издадени лиценци согласно Законот за градење и Законот за урбанистичко планирање. Тој соопшти дека досегаашната проверка покажала дека биле издадени 1.100 лиценци, а вкупно досега се проверени 643. Од тука, кај 97 лиценци констатирано е дека по издавањето на лиценците фирмите престанале да ги исполнуваат законските услови врз основа ...

Вчера беше еден од најтажните денови за државата. Трагедијата во Кочани длабоко ме вознемири, пред сѐ, како човек и родител. Во овие тешки моменти важно е да останеме обединети во болката и солидарноста. Дозволете ми уште еднаш да изразам искрено сочувство до семејствата што се соочуваат со оваа ненадоместлива загуба, напиша на својот фејсбук-профил министерот за надворешни работи и надворешна трговија, Тимчо Муцунски. „Наша обврска како држава ...

Сите седуммина пациенти сместени на Клиниката за токсикологија во Скопје од денес се во стабилна состојба, без клинички манифестации, вели Андон Чибишев, директор на Клиниката. Кај нив нема изгореници или механички повреди. „Кај нас во моментот се хоспитализирани седуммина пациенти, кои главно имаат инхалирано голема количина отровни гасови затоа што биле внатре во дискотеката додека таа горела. Немаат термички или механички повреди, туку ...

Лекувањето на 115 повредни во пожарот во Кочани е бесплатно. Министерот за здравство, Арбен Таравари, денес рече дека нема потреба од шпекулации и невистини во врска со плаќањето на лекувањата на повредените. „Генерално, 99 отсто сигурни сме дека е бесплатно и нема потреба никој да собира пари. Дури како Влада обезбедивме и по двајца родители или членови на семејство да патуваат и да се вратат. Да им плати Владата пат и сместување во сите држави ...

Агенцијата за аудио и аудиовизуелни медиумски услуги најостро го осудува говорот на омраза и повиците за насилство кон медиумите и новинарите. Повиците за напади на медиумите и медиумските работници директно ја загрозуваат безбедноста на новинарите и претставуваат напад врз слободата на изразување. Истовремено, Агенцијата повторно ги потсетува медиумите при креирањето на својата програма да обрнат исклучително внимание на содржините на емисиите, ...

Судот го прифати предлогот на Обвинителството и определи притвор за 13 од вкупно 19 лица опфатени со истрагата за пожарот во дискотеката „Пулс“ во Кочани. Меѓу нив се и поранешниот министер за економија, Крешник Бектеши, поранешниот директор на Државниот пазарен инспекторат, Горан Трајковски и поранешниот директор на Дирекцијата за заштита и спасување, Беким Максути. За останатите, судот ќе донесе одлука во текот на денот. Основното јавно ...