Скопје, 28 август 2025 (МИА) - Пет активни пожари има вечерва на територијата на државата, три се ставени под контрола, а 19 се изгаснати. Како што соопшти Центарот за управување со кризи, активни се пожарите во кај селото Церово, Општина Желино (ниска вегетација и мешана шума), во кај селото Оздолени, Општина Дебарца (ниска вегетација), во селото Добри дол во Општина Врапчиште (ниска вегетација и стрниште), кај селото Могила во Општина Могила ...

Скопје, 28 август 2025 (МИА) – Македонскиот фудбалски прволигаш Работнички ќе ја продолжи сезоната со нов тренер, откако клубот денеска спогодбено ја раскина соработката со досегашниот шеф на стручниот штаб Бојан Маркоски. Работнички под водство на Маркоски претрпе рана елиминација во Конференциската лига со два порази во воведното коло од белоруски Торпедо Белаз, а во домашното првенство освои само бод во воведните три кола. „ФК Работнички ја ...

Разград, 28 август 2025 (МИА) – Фудбалерите на Шкендија загубија вечерва на гостувањето во Разград од Лудогорец со 4:1 (2:1, 2:0) по продолженија и со вкупен резултат од 5:3 претрпеа елиминација од Лига Европа со што настапите на европската сцена ќе ги продолжи во Конференциската лига. Македонскиот првак конфузно го отвори реванш натпреварот од плејофот во Лига Европа што бугарскиот тим максимално го искористи и веќе на средина од првото ...

Тетово, 28 август 2025 (МИА) – Центарот за управување со кризи (ЦУК) информира дека во текот на денот се евидентирани четири пожари кои почнале на планинските подрачја на Општина Желино. Пожари има околу селата Мерово на планината Сува Гора и околу Церово на планината Жеден, а според ЦУК сите пожари се ставени под контрола благодарение на брзата реакција и координацијата на надлежните служби. - Во селото Церово активни се екипите на тетовските ...

Цирих, 28 август 2025 (МИА) – Ослободителната пресуда за Мишел Платини и Сеп Блатер, на кои им беше повторно судено во март во Швајцарија во случајот за измама, денеска стана конечна, откако обвинителството не поднесе жалба. „Јавниот обвинител на Конфедерацијата се откажува од поднесување на жалбата“ и со тоа ја прифаќа „пресудата донесена во прв и втор степен“, објави денес швајцарското Обвинителство. Со ова, по десет години процес со силни ...

Париз, 28 август 2025 (МИА) – Шпанскиот голман Арнау Тенас, кој беше дел од репрезентацијата што ја освои олимписката титула во Париз лани, ги напушти редовите на европскиот првак ПСЖ и кариерата ќе ја продолжи во Виљареал, потпишувајќи четиригодишен договор. Тенас пристигна во ПСЖ од вториот тим на Барселона пред две години и за клубот од Париз собра седум настапи, од кои само еден беше минатата сезона во која имаше статус на трет голман зад ...

Вашингтон, 28 август 2025 (МИА) – Американскиот производител на автомобили „Форд“ повлече речиси 500.000 возила во САД поради проблем со системот за сопирање, соопшти денеска Националната управа за безбедност на сообраќајот (НХТСА). Повикот за повлекување се однесува на теренецот „Форд Еџ“ произведен помеѓу 2015 и 2018 година, како и на луксузниот „Линколн МКХ“ од периодот 2016-2018 година. Според официјалниот извештај, можното пукање на цревото ...

Скопје, 28 август 2025 (МИА) - Во предворјето на црквата „Св. Софија“ во Охрид вечерва во 21:15 часот ќе биде прикажан документарецот „Време, вода, наследство: Охрид“ по сценарио и режија на Илија Пиперкоски. Филмот е динамичен документарец за 70 години Охридски пливачки маратон, спорт што ја мери човечката издржливост, волја и амбиција. Филмот преку ретки архивски материјали и нови интервјуа со легендите Дики Бојаџи, Теодора Раптис, Томи ...

Сана, 28 август 2025 (МИА) – Израел денеска изврши напади врз Сана, главниот град на Јемен, додека лидерот на Хутите, Абдул-Малик ал-Хути, држеше говор, наведува израелскиот Канал 12, повикувајќи се на израелски извори. Според извештаите, израелската авијација ја нападнала областа Ас-Сабаин во Сана, која вклучува претседателски комплекс и главниот воен камп на Хутите. Израел потврди дека нападите биле насочени кон високи функционери на силите на ...

Крива Паланка, 28 август 2025 (МИА) - Со настапот на учесниците од шесте држави учеснички и доделување на благодарници беше заокружено 20. издание на Меѓународниот фолклорен фестивал „Свети Јоаким Осоговски" во организација на Центарот за култура во Крива Паланка. На трите фестивалски вечери настапија ансамбли и фолклорни друштва од земјава, Црна Гора, Србија, Турција, Северен Кипар и Романија, а градот под Осоговието беше културна сцена ...

Вашингтон, 28 август 2025 (МИА) – Гувернерката на американските Федерални резерви (ФЕД), Лиса Кук, денеска поднесе тужба до федералниот суд во Вашингтон против претседателот на САД Доналд Трамп, поради неговата најава дека ќе ја смени од функцијата поради наводна хипотекарна измама. Во тужбата, Кук тврди дека обидот на Трамп да ја смени е незаконски, наведувајќи дека таа ќе остане активен член на Федералните резерви, пренесува Си-Ен-Ен. Во ...

Скопје, 28 август 2025, (МИА) -Американската амбасада во Македонија соопшти дека амбасадорката Ангела Агелер го посетила градилиштето на делницата Тетово–Гостивар од Kоридорот 8, за да се запознае одблиску со работите што ги изведува компанијата „Бехтел-Енка“ на Kоридорите 8 и 10. Во објавата се истакнува дека новите автопатски правци не се важни само за граѓаните на Северна Македонија, туку претставуваат и стратешки транспортни мрежи на НАТО, ...

Брисел, 28 август 2025 (МИА) – Европската комисија денеска изнесе предлози за тоа како да го спроведе неодамна склучениот трговски договор со САД, кој ветува ретроактивно намалување на царините за автомобилите од ЕУ во замена за полесен пристап на САД до пазарот на Унијата. Царините за американски индустриски стоки треба целосно да се укинат, додека трговските бариери за „одреден асортиман на американски морски плодови и несензитивни земјоделски ...

Монако, 28 август 2025 (МИА) – Во „Грималди Форум“ во Монако вечерва се одржа жрепката за новата сезона во Лигата на шампиони, која ќе биде 71 издание на елитното натпреварување на Стариот континент, а второ во лигашки формат. Во новата сезона на Лигата на шампиони ќе настапат четири дебитанти, Унион Сен-Жил, Пафос, Бодо/Глимт и Каират. Клубовите беа поделени во четири шешири врз основа на нивните индивидуални коефициенти. Освојувачот на ...

Брисел, 28 август 2025 (МИА) – Европските сојузници на НАТО и Канада би можеле да ја зголемат својата потрошувачка за одбрана во 2025 година помалку од минатата година, според извештај за проценките на расходите објавен денеска од страна на западната одбранбена алијанса. НАТО очекува одбранбената потрошувачка на европските земји-членки и Отава да порасне за 15,9 отсто во 2025 година, за да достигне вкупен расход од 559 милијарди долари, по ...

Москва, 28 август 2025 (МИА) – Портпаролката на Министерството за надворешни работи на Русија, Марија Захарова, денеска изјави дека руските вооружени сили вршат напади исклучиво на воени цели и објекти кои служат за поддршка на Вооружените сили на Украина (ВСУ). - Сакаме уште еднаш да нагласиме дека руските вооружени сили гаѓаат исклучиво воени цели и објекти за логистичка поддршка на ВСУ. Штетата на цивилната инфраструктура е последица на ...

Вашингтон, 28 август 2025 (МИА) – Портпаролката на американскиот претседател Доналд Трамп, Каролин Ливит, денеска изјави соопшти дека американскиот претседател „не бил изненаден“ од рускиот напад со ракети и дронови врз Киев, во кој загинаа најмалку 19 луѓе. Во своето воведно обраќање на брифинг во Белата куќа таа не го спомена рускиот напад на Киев, но подоцна, еден новинар праша дали Белата куќа го смета Владимир Путин за пречка за мирот. ...

Белград, 28 август 2028 (МИА) - На 20 септември, Министерството за одбрана и Вооружените сили на Србија ќе организираат воена парада „Силата на единството“ пред Палатата на Србија, по повод Денот на српското единство, слободата и националното знаме. Планирана е парада на ешалони од припадници на единици од сите родови и служби во Вооружените сили на Србија и кадети на Воената академија, единици на возила, пловила од Речната флотила, како и лет ...

Скопје, 28 август 2025 (МИА) - Од денеска до 31 август во просториите на Агро кооперативата на производители на грав „ПЕЛИКАН“ во Лемос, Преспа, ќе биде отворена изложбата „По Материјата“ – уникатен уметнички проект што ги поврзува Грција, Албанија и Северна Македонија во заедничка креативна потрага. Настанот е соработката помеѓу Агро кооперативата „Пеликан“, Културното здружение „Западни Потези“, групата „BUFF“, Општина Преспа, како и Катедрата ...

Скопје, 28 август 2025 (МИА) - Годинешната жетва на пченица донесе значителен пораст и позитивни резултати за домашното земјоделство, изјави министерот за земјоделство, шумарство и водостопанство, Цветан Трипуновски кој ги презентираше бројките и најави конкретни мерки со кои државата го насочува фокусот кон зголемување на домашното производство и обезбедување на стоковните резерви со македонски производи. - Жетвата на пченицата оваа година е ...

Скопје, 28 август 2025 (МИА) - Венко Крстевски, актуелен в.д градоначалник на Кочани, денеска ја објави независната кандидатура за прв човек на градот за Локалните избори 2025, закажани за 19 октомври. - Денес, на 28 август 2025 година — на празникот Успение на Пресвета Богородица, ден исполнет со љубов, надеж, обновување и заштита — со голема одговорност и почит, ја објавувам мојата независна кандидатура за градоначалник на Кочани. Нашиот град ...

Берлин, 28 август 2025 (МИА) – Германскиот министер за одбрана Борис Писториус изрази мало изненадување за медиумскиот извештај кој сугерира дека руски дронови можеби надгледуваат рути за снабдување на западна воена опрема за Украина над источна Германија, пренесе ДПА. Бундесверот не е одговорен за надзор на цивилна територија или патни врски во Германија во однос на дронови, рече Писториус по денешниот состанокот со неговата шпанска колешка ...

Будимпешта, 28 август 2025 (МИА) – Унгарија бара од Украина да престане со провокациите и обидите да ја вовлече во воениот судир со Русија, со кој нема никаква врска, изјави министерот за надворешни работи и надворешни економски односи на Унгарија, Петер Сијарто, како одговор на изјавите на неговиот украински колега Андриј Сибиха. - Ова не е наша војна! Ние не сме одговорни за неа, не ја почнавме, не учествувавме во неа. Престанете да нè ...

Москва, 28 август 2025 (МИА) – Кремљ го поздрави апсењето на украински државјанин во врска со саботажата на гасоводите на Северен тек во 2022 година. - Несомнено е задоволувачки што истрагите се во тек, и се надеваме дека навистина ќе бидат завршени, и ќе ги именуваат не само сторителите, туку и организаторите на овие терористички акти, изјави денеска портпаролот на Кремљ, Дмитриј Песков. Сепак, како што пренесува ДПА, тој се пожали дека Русија ...

Скопје, 28 август 2025 (МИА) - Градот Скопје ги известува граѓаните дека утре (петок, 29 август) во раните утрински часови ќе се изврши авионска дезинсекција на подрачјето на градот Скопје против ларви од комарци. Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин. Се известуваат пчеларите навреме да ги преземат потребните мерки за ...

Скопје, 28 август 2025 (МИА) - Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен. На ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата. АМСМ препорачува прилагодена брзина на движење, почитување на поставената ...

Техеран, 28 август 2025 (МИА) – Министерот за надворешни работи на Иран, Абас Аракчи, денеска изјави дека земјата ќе одговори на „противзаконскиот потег“ на Велика Британија, Франција и Германија (Е3), кои го активираа механизмот за повторно воведување на санкциите на ОН против Техеран поради неговата нуклеарна програма. Шефовите на дипломатиите на Е3 го известиле Аракчи за одлуката да го почнат тој механизам и изразиле подготвеност наскоро да ...

Њујорк, 28 август 2025 (МИА) – Генералниот секретар на Обединетите нации, Антонио Гутереш, денеска изјави дека изгладнувањето на цивили никогаш не смее да се користи како метод на војување, истакнувајќи дека гладот во Појасот Газа е резултат на „нечовечни“ и „намерни“ постапки на Израел. - Цивилите мора да бидат заштитени. Хуманитарниот пристап мора да биде непречен. Без понатамошни изговори. Без понатамошни пречки. Без понатамошни лаги, рече ...

Брисел, 28 август 2025 (МИА) – Генералниот секретар на НАТО, Марк Руте, денеска изјави дека руските напади на Киев минатата ноќ, во кои беа погодени цивилни подрачја и дипломатската мисија на ЕУ во Киев, а загинаа најмалку 18 луѓе, покажуваат дека рускиот претседател Владимир Путин е подготвен да ја продолжи војната. - Сите сме шокирани од она што се случи, пред сè затоа што ова се напади кои не се насочени кон воени мети, ова се цивилни мети. ...

Вашингтон, 28 август 2025 (МИА) – Специјалниот претставник на американскиот претседател Доналд Трамп за Украина, Кит Келог го осуди синоќешниот руски напад врз Киев. - Синоќа Русија го изврши вториот најголем воздушен напад од почетокот на војната со 600 дронови и 31 проектил. Целите? Не беа војници и оружје, туку станбени области во Киев – гранатирање цивилни згради, канцелариите на Делегацијата на ЕУ и британската мисија, како и невини цивили. ...