Украинскиот претседател Володимир Зеленски потврди дека Украина и Русија постигнаа договор за тридневно примирје и размена на илјада воени заробеници. – Режим на прекин на огнот мора да се воспостави и на 9, 10 и 11 мај. Украина постојано работи на враќање на своите луѓе од руско заробеништво, објави Зеленски на платформата Икс. Тој му се заблагодари на американскиот претседател Доналд Трамп и на неговиот тим за нивниот дипломатски ангажман. ...

Помошникот на рускиот претседател, Јуриј Ушаков изјави дека Русија се согласила со иницијативата на американскиот претседател Доналд Трамп за воспоставување прекин на огнот со Украина од 9 до 11 мај и за размена на затвореници со Киев „1.000 за 1.000“ во овој период. – По налог на рускиот претседател Владимир Владимирович Путин, ја потврдувам прифатливоста за руската страна на иницијативата што неодамна ја предложи американскиот претседател ...

Институт за јавно здравје соопшти дека во моментов нема опасност ниту ризик за граѓаните на Северна Македонија поврзан со случаите на хантавирус регистрирани на крузерот во Јужниот Атлантик. Од Институтот информираа дека Секторот за епидемиологија е во постојана комуникација со Светска здравствена организација и Европски центар за превенција и контрола на болести, од каде секојдневно добива информации и насоки поврзани со состојбата. „Нема ...

Патрола на силите на Европската Унија во Босна и Херцеговина (ЕУФОР), составена од припадници на армиите на Северна Македонија и Турција, вчера попладне спасила две лица од возило што излетало од патот Грачаница – Тузла. Како што соопштува ЕУФОР БиХ, несреќата се случила околу 14 часот, кога возило „фолксваген голф“ изгубило контрола меѓу 24-от и 25-от километар од патниот правец, излетало од коловозот и удрило во дрвја во близина на ...

Претседателката Гордана Сиљановска-Давкова денес изјави дека укинувањето на „балансерот“ било неопходно поради ризиците од корупција што ги создавал. Според неа, таканаречениот „балансер“, во формата во која постоел, во суштина довел до корупција и криминализација. -Не мислам дека станува збор за уривање, бидејќи балансерот, каков што беше, во суштина доведе до корупција и криминализација. Именувањата на највисоките позиции беа концентрирани ...

Премиерот рече дека на крајниот износ на инфлацијата во април ќе влијае тоа што „најмногу се зголемени транспортните услуги и тука се мисли на нискобуџетните авиопревозници, картите, и секако тие ќе влијаат во крајната цена“. Кога ќе одите во самопослуга не жалете се дека е скапо. Кога ќе купувате леб, млеко и сирење, помислете само како ли им е на тие што купуваат авионски карти. И тоа од оние евтините. 4Во судскиот процес за злоупотреба на ...

Францускиот велосипедист Пол Мание (Судал Квик-Степ) е победник на првата етапа на трката Џиро д’Италија, чие 109. издание годинава стартуваше во Бугарија. Првата од трите етапи што ќе се возат во Бугарија, беше во должина од 147 километри од Несебар до Бургас на брегот на Црното Море. Мание мина попладнево низ целта со време од три часа и 21 минута и до победата дојде во спринтерска завршница, која беше проследена со масовен пад во ...

Премиерката на Данска, Мете Фредериксен денеска не успеа да состави нова коалициска влада, откако лидерот на центристичката партија Умерените, Ларс Локе Расмусен се повлече од преговорите. Расмусен го прекине своето учество во консултациите и предложи водечката улога во формирањето нова влада да ја преземе Троелс Лунд Поулсен од Либерална партија, која може да се обиде да состави десноцентристичка влада. На изборите во март, Данската ...

Американскиот претседател Доналд Трамп и министерот за одбрана Пит Хегсет денеска објавија десетици декласифицирани документи за неидентификувани летечки објекти (НЛО) и вонземски живот, во обид да им обезбедат на американските граѓани, како што нарекоа „невидена транспарентност“. Министерството за одбрана на САД најави дека долго бараните документи и фотографии од „неидентификувани аномални феномени“ ќе бидат објавени во повеќе продолженија ...

Шпанскиот гигант Реал Мадрид ги казни своите фудбалери, Федерико Валверде и Аурелиен Чуамени, со по 500.000 евра поради тепачка за време на тренинг. Реал ги изрече казните денеска, ден по физичката пресметка меѓу двајцата фудбалери, во која Валверде со повреди на главата бил пренесен во болница. Клубот објави дека двајцата играчи се извиниле еден на друг, како и на своите соиграчи, по инцидентот. Валверде и Чуамени се стандардни во средниот ...

Во вториот натпревар во рамки на УЕФА развојниот турнир за фудбалерки до 16 години, македонската репрезентација денеска во Струмица загуби од Андора на пенали, откако во регуларниот дел немаше победник (2-2). Гостинките поведоа во 14. минута со погодокот на Бос, а во 79. минута Андора дојде до предност од 2:0. Во завршните десет минути, избраничките на селекторот Катерина Милеска успеаја да го израмнат резултатот и да се изборат за изведување ...

Во седиштето на партијата Демократи 66 (Д66) во Хаг, на премиерот на Холандија, Роб Јетен вчера експлодирала бомба поставена во поштенско сандаче, соопшти денеска полицијата. Во инцидентот никој не е повреден, а еден 37-годишен маж, осомничен за нападот, е приведен. Јетен изјави дека нема да биде заплашен од чинот. Во моментот на експлозијата во штабот на Д66 се одржувало состанок со подмладокот на партијата, при што имало околу 30 луѓе. ...

Министерката за енергетика Сања Божиновска најавува дека, ако е потребно, повторно ќе се разговара со „Окта“ за продолжување на попустот за дизел-горивото од четири денари за литар и за бензините од два денари и по 18 мај кога истекува сегашниот договор. Тоа, како што вели, ќе зависи од случувањата со цените на нафтените деривати на берзите и од војната на Блискиот Исток. – Следиме сè што се случува. Нашите мерки моментно се до 18 мај, што ...

Политичката коалиција „Вреди“ утре, на 9 мај, официјално ќе се трансформира од соработка меѓу пет политички субјекти во единствено политичко тело. Овој процес на обединување ќе биде потврден од над 805 делегати, соопшти денеска на прес-конференција претставникот на „Вреди“, Дритон Сулејмани. Сулејмани посочи дека оваа промена претставува чин на одговорност кон граѓаните и доказ дека заедничкиот интерес може да се стави над теснопартиските ...

Иранските медиуми објавија дека и покрај договорот за прекин на огнот во Ормуска Теснина има „спорадични борби“ помеѓу вооружените сили на Исламска Република и американската морнарица. Во изминатиот час се водеа спорадични борби помеѓу иранските вооружени сили и американските бродови во Ормуска Теснина, објави иранската новинска агенција Фарс, но не наведе повеќе детали. Претходно, иранското Министерство за надворешни работи ги обвини САД за ...

Градоначалникот на општина Карпош, Сотир Лукровски, е под силен притисок од ВМРО-ДПМНЕ да ја повлече оставката којашто веќе ја напишал и за која се очекува да биде соопштена во текот на денот. Ова го дознава Рацин.мк од два неповрзани извори во Општина Карпош. Изворите на Рацин.мк не можеа да кажат која од многубројните причини ја прелила чашата, но што се знае со сигурност е дека Лукровски воопшто не се снашол со реализација на затекнатите ...

Полицијата во Кавадарци вчера уапси 26-годишен маж под сомнение за сторено кривично дело „задоволовување на полови страсти“ на јавно место. Според информациите од СВР Велес, полицајците вчера попладне го привеле лицето Ј.Л. (26) од Кавадарци, постапувајќи по претходна пријава од негова сограѓанка. „26-годишна кавадарчанка пријавила дека во возило на паркинг простор во Кавадарци, лицето се самозадоволувало пред нејзината малолетна ќерка“, ...

ЗНАМ се распаѓа на сите нивоа – коментираат од опозицискиот СДСМ откако единствената советничка на Движењето За наша Македонија во Советот на Општина Прилеп, Мирјана Стеваноска, објави дека го напушта мнозинството и отсега ќе дејствува независно во Советот. Претходно истото го стори и пратеникот Миле Цеков. Пратеникот Миле Цеков ги напушта ЗНАМ и владејачкото мнозинството „Веруваме дека постојат уште луѓе во ЗНАМ кои беа измамени и кои не се ...

МВР информира дека доцна синоќа во 23:00 часот во Скопје, полициски службеници од СВР Скопје го лишија од слобода Д.Д.(79) од Скопје, постапувајќи по претходна пријава дека околу 15:00 часот во неговиот семеен дом допирал по телото негова малолетна сосетка. По целосно документирање на случајот ќе следува соодветна пријава. МВР информира дека доцна синоќа во 23:00 часот во Скопје, полициски службеници од СВР Скопје го лишија од слобода ...

Постоечкиот електроенергетски систем не е подготвен да се справи со зголеменото производство на електрична енергија од фотоволтаици. Производството од фотоволтаици е променливо и непредвидливо, пред сѐ затоа што зависи од временските услови и од нивното управување од човечки фактор. Наместо да се направи адаптација на системот, институциите дозволија да се приклучуваат сѐ повеќе и повеќе нови капацитети без соодветно планирање со што ја ...

Администрацијата на американскиот претседател Доналд Трамп денеска го објави првиот пакет претходно класифицирани владини документи за неидентификувани аномални феномени (UAP), попознати како НЛО. Објавата ја најави Министерството за одбрана на САД како дел од програмата PURSUE, меѓуагенциски проект во кој учествуваат Белата куќа, Канцеларијата на директорот за национално разузнавање, НАСА, ФБИ, Министерството за енергетика и Канцеларијата во ...

Колумбиската поп-ѕвезда Шакира ја објави официјалната песна за претстојното Светско првенство, насловена „Dai, Dai“. Колумбиската пејачка објави дел од новата песна на социјалните мрежи во видео снимено на легендарниот стадион „Маракана“ во Рио де Жанеиро. Песната на која настапува и нигерискиот пејач Бурна Бој официјално ќе биде објавена на 14 мај. Во видеото, Шакира е прикажана заедно со група танчари облечени во боите на неколку ...

Американскиот државен секретар Марко Рубио денеска изјави дека очекува Иран во следните часови да претстави сериозен предлог за прекин на огнот. Тој по средбите во Рим со италијанската премиерка Џорџа Мелони и министерот за надворешни работи Антонио Тајани, наведе дека „очекува конкретни потези во наредните часови“, нагласувајќи дека Иран е поделен, но оти се надева на сериозна понуда. – Ќе видиме што ќе се случи, очекувам развој на настаните ...

Директорот на ФБИ, Каш Пател, наредил полиграфско тестирање на повеќе од дваесетина поранешни и сегашни членови на неговиот безбедносен тим, како и на други вработени. Американските медиуми пишуваат дека Пател се обидува да ја зачува својата функција и да ги открие лицата што оддаваат информации од неговиот тим. Според извештаите, Пател оваа недела се изолирал од дел од високите претставници на Бирото по серијата медиумски објави што ...

Заложничката криза во банка во германскиот град Зинциг заврши откако полицијата упадна во филијалата на „Фолксбанк“ и пронајде двајца заложници, а ограбувачите побегнаа. Специјалните сили во банката ги пронајдоа возачот на комбето за транспорт на пари и вработениот во банката заклучени во соба. Тие се неповредени. Потрагата по сторителите е во тек. Полицијата за време на операцијата немаа контакт со заложниците и сторителите. Според ...

Ве молам, политичарите на минатото оставете ги во минатото. Ова беше кусиот коментар што го даде премиерот Христијан Мицкоски на прашањето дали за власта се прифатливи барањата што лидерот на Алијанса за Албанците, Зијадин Села, ги постави како услов за неговото евентуално приклучување во Владата. Премиерот Христијан Мицкоски на отворањето на првата сезона на „Плазма – Спортски игри за млади“/ Фото: МИА „Ве молам, убав е денот, ве молам, ...

Генералниот секретар на ДУИ, Арбер Адеми, реагираше по интервјуто на претседателот на Уставниот суд, Дарко Костадиновски, во емисијата „Клик Плус“ на ТВ21, обвинувајќи го за, како што вели, манипулации и намера за укинување на клучни одредби од Законот за јазиците. Адеми во својата реакција истакнува дека „единствениот што манипулира во овој случај е Дарко Костадиновски“, додавајќи дека со неговите изјави само се потврдува намерата за ...

„Општина Карпош ги демантира наводите дека градоначалникот Сотир Лукровски си има поднесено оставка. Тој во овој момент користи боледување и е привремено отсутен поради здравствени причини, за што замолуваме за разбирање“ соопштија попладнево од општина Карпош. Од таму велат дека општината „продолжува да функционира непречено, со целосен капацитет и посветеност кон потребите на граѓаните“. „Согласно законските процедури, надлежности ...

За воспоставување целосно функционален систем што ќе опфаќа една национална СОС-линија, десет центри за упатување жртви на силување, ќе обезбеди долготрајна нивна психосоцијална поддршка, најмалку 28 засолништа, 19 советувалишта и бесплатна правна помош за жртвите, годишно треба да се одвојат околу седум милиони евра, што е 0,1 отсто од националниот буџет – истакна денеска проф. д-р Катерина Шапкова-Коцевска од Правниот факултет „Јустинијан ...

Против еден од телохранителите на премиерот Христијан Мицкоски, кој беше пријавен за семејно насилство, е поднесен обвинителен предлог. -Основното јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворската полиција, по спроведена постапка, денеска до Основниот кривичен суд Скопје поднесе Обвинителен предлог ...