
Скопје
8ᴼ /
8ᴼ



Скопскиот хардкор бенд „Трендкил“ утре (23 ноември) ќе го промовира својот нов албум „Половен кросовер“ на концерт во „Станица 26“ во Скопје. Гости на настанот ќе бидат групите „Последен удар“ и „Пепел“. „Половен кросовер“ излезе четири години по последниот албум на „Трендкил“, „Never a Victim Always a Renegade“, а во меѓувреме беше снимен миниалбумот „Heavy Fucking Metal“. Новиот албум имаше премиера во живо на фестивалот „Метал дисчарџ“ во ...
Мешаниот хор на Солун ќе настапи во малата сала на Филхармонијата во Скопје на 25 ноември од 19:30 часот. Како што велат од Амбасадата на Грција, репертоарот вклучува класична музика и современи грчки песни. Како солист ќе настапи Александрос Сагурис, пијанист е Атанасиос Папаисиу, а ќе диригира Мери Констандиниду, која го води хорот од основањето. Мешаниот хор на Солун е основан во 1987. Неговиот широк репертоар вклучува дела од ренесансата, ...
На 28 ноември од 20 часот, во Музејот на Град Скопје ќе биде отворена изложба на музички плакати, своевидна ретроспектива на музичкиот живот на Скопје. Ќе бидат прикажани повеќе од 80 плакати кои сведочат за најзначајните концерти, фестивали, групи и пејачи кои ја креирале урбаната музичка сцена на Скопје во последните триесет години. Изложбата е во организација на „Баги комуникации“. „Музиката е прозорец во душата на еден град. Оваа изложба е ...
Од 28 ноември до 1 декември во Битола ќе се одржи 16. Фестивал на музика од светот, во организација на Центaрот за култура. Првата вечер е поетско-музичкиот перформанс „Волкот на љубовта“ на Бранислав Николов и Тихомир Јанчовски, на кој ќе ги изведат најубавите љубовни песни од македонската современа сцена. Настанот ќе се одржи на Новата сцена од 20 часот. На 29 ноември, на Големата сцена ќе настапи Камерниот оркестар од Битола со програмата ...
На прославата на десеттиот роденден, скопскиот бенд „Рингтонс“ го наполни клубот „Станица 26“, а парите од продадените билети ќе ги донира за купување музички инструменти за ООУ „Браќа Рамиз-Хамид” во Шуто Оризари. Иако млади музичари, тие се популарни и впечатливи по тоа што ја негуваат македонската поп музика, свирејќи хитови од 1990-тите и 2000-тите, а пеат и македонски шлагери и светски хитови, што беше повод да одржат весел и полн ...
„Bad People“ е новото студиско издание на Игор Станоески-Иги Ман, што ќе биде презентирано во рамките на петтиот Котон блуз фестивал, што ќе се одржи на 28 ноември во „Лабораториум“ во Скопје. Миниалбумот, кој претставува спој на блуз, рок и аренби, содржи пет песни, од кои четири се авторски и една обработка од Роберт Џонсон. Покрај Станоески, во снимањето на албумот учествуваа Гоце Стевковски (тапани), Дарко Мучев-Мучо (бас гитара), Џорџ ...
Мандолинскиот оркестар на скопското основно училиште „Григор Прличев“ заедно со Бојана Скендеровски сними нова верзија на песната „Молитва“, најголемиот хит на Виолета Томовска. Автор на „Молитва“ е Миле Барбаровски, а песната во нов аранжман ќе се промовира на концертот „Македонија, во срце те носиме“, што ќе се одржи на 7 декември во Филхармонијата. На концертот ќе се пеат преработки на 12 македонски народни песни во придружба на симфониски ...
Велешанецот Давор Бошковски отвори изложба на дела работени во пирографија, уметност на горење на дрво со помош на ајва, алатка за лепење со калај. Авторот ова хоби го наследил од неговиот татко Петар. На изложбата, која е постaвена во Европската куќа во Велес, се претставува со 44 дела. „Ми остана од детството таа слика кога татко ми твореше и влегов во оваа работа. Во Македонија нема многу пирографи. Инспирацијата што ќе работам ми доаѓа ...
Четирипати се вратија на бис 12-темина актери на премиерата на претставата „12“ сношти (20 ноември) во Македонскиот народен театар (МНТ). Претставата е во адаптација и режија на Синиша Евтимов, работена по мотивите на драмата „12 гневни луѓе“ (12 Angry Men) од Реџиналд Роуз. Евтимов ги обедини реномираните актери Ѓорѓи Јолевски, Гораст Цветковски, Тони Михајловски, Никола Ристановски, Благој Веселинов, Александар Микиќ, Игор Џамбазов, Јордан ...
Меѓу учесниците на претстојното осмо издание на фестивалот Востание, што ќе се одржи на 13 декември во Младински културен центар (МКЦ) во Скопје, е и шведската метал група „Шедоуворк“ (Shadowork). Иако релативно нов бенд, со само едно студиско издание зад себе, „Шедоуворк“ ќе биде посебно интересен за домашната публика зашто половина од членовите доаѓаат од Македонија: пејачот и гитарист Даниел Наумовски и тапанарот Јордан Маленко. Наумовски, ...
Српската рок група „Ван Гог“ сними нов сингл „Луд и сам“, што ќе го промовира на Турбо рок фестивалот во Скопје на 14 декември во салата „Јане Сандански“. На фестивалот ќе настапат и Неле Карајлиќ и „Ју група“, објави претходно „Авалон“. „Сега кога новиот албум е завршен, желбата ни е на секои три месеци, чекор по чекор, сингл по сингл, спот по спот, да ја размениме енергијата со публиката. Сите коцки од мозаикот ќе се сложат во 2026 во форма на ...
Деби албумот на музичарот Иван Кукиќ насловен „Sunday Vibes“ ќе се промовира на 23 ноември во Скопје, во „АудиоКултура“ од 13 часот. За промоцијата, Кукиќ најавува акустичен концерт со своите најблиски соработници. Албумот го издава „Кроација рекордс“ и има десет песни, од кои две се веќе промовирани како синглови, „Балада за една љубов“ и „Друмови“. Кукиќ е автор на најголемиот дел од материјалот на албумот, на кој има и интересни соработки. ...
Вечерва (20 ноември) oд 20 часот, на Млад отворен театар ќе се изведе претставата „Без крв“ на Драмскиот театар од Пловдив и Велешкиот театар. Текстот е на Александар Барико, а режијата на Дијана Добрева. Во претставата играат Маргита Гошева, Васил Зафирчев, Константин Еленков, Патриција Пандева, Исидор Јованоски, Филип Христовски, Красимир Василев, Георги Вачев, Кети Борисовска, Симеон Алексиев, Елена Кабасакалова, Катрин Гачева, Златко Шарков, ...
Слаткаристика и Тони Зен ќе одржат заеднички концерт на 5 април во Скопје, во салата „Борис Трајковски“, објави продукцијата „Прагма“. Концертот е со наслов „Спушти се доле“, според дуетот кој го снимија во 2009. Пред 18 години, Тони Зен и Слаткар го започнаа проектот „Хип-хоп револуција“ и имаат снимено 10 заеднички песни. Во август, по повеќе од 14 години пауза, тие го снимија дуетот „Милион лета“. „Песната излезе многу спонтано, имаме повеќе ...
Пламенка Трајковска со својот гудачки квартет ќе одржи концерт со наслов „Балканско патување“ на 21 ноември од 20 часот во Музејот на македонската борба. Концертот е во рамките на Есенски музички свечености. На концертот настапуваат: Пламенка Трајковска на виолина, Милена Гиевска-Андоновска на виолина, Љубица Бошкоска на виола и Александра Јаневска на виолончело. Аранжманите за гудачки квартет ги подготви Трајковска. Концертот „Балканско ...
Утре (21 октомври) од 20 часот рускиот пијанист Евгениј Корољов ќе одржи рецитал во Филхармонијата. На програмата е делото „Голдберг варијации“ од Јохан Себастијан Бах. Корољов (1949) студирал на Московскиот конзерваториум, а живее и делува во Хамбург, каде што од 1978 беше професор на Колеџот за музика. Заедно со својата сопруга, македонската пијанистка Љупка Хаџигеоргиева, го формираше дуото „Корољов“ во 1976, со кое настапува ширум светот. ...
Кантавторот Матео Бочели, синот на легендарниот италијански тенор Андреа Бочели, ќе одржи концерт во Скопје на 15 јуни во Филхармонијата, објави „Пасворд продукција“. Матео Бочели (27) е ѕвезда во подем во популарната музика, кој со татко му ја сними песната „Fall On Me“. Во 2022 објави божиќен албум со неговиот татко и со помладата сестра Вирџинија. На 22 ноември ќе излезе неговиот прв самостоен албум „Матео“. Билетите се продаваат во мрежата ...
Модната индустрија треба да биде загрижена од трендот на ангажирање слаби манекенки, рече уредничката на британскиот „Вог“, Чиома Нади. Таа кажа дека промената, по неодамнешниот напредок во прифаќањето на различноста на телата, делумно била поттикната од порастот на популарноста на лековите за слабеење. „Гледаме како се враќа трендот на слаби манекенки. Гледаме дека многумина познати личности ги користат овие лекови и мислам дека има промена во ...
Бранислав Николов од групата „Фолтин“, Џон Илија Апелгрен и Светлана Јовановска. „Нашиот оркестар, заедно со гудачки ансамбл, ќе ви претстави легендарни рок песни во сосема ново светло преку виртуозни џез аранжмани. Оваа вечер ќе биде исполнета со енергија, страст и музичка мајсторија“, велат од џез оркестарот. Билетите се продаваат на mktickets.mk и во нивната продажна мрежа низ Македонија по цена од 1.000 денари. За студените и за пензионерите ...
Котон блуз фестивал ќе го одбележи своето петто издание со најквалитетната програма досега, што е изненадувачки за неговиот идеен творец, педијатарот Гого Паскалов, кој признава дека не очекувал дека ќе стигнат дотука. Фестивалот беше зачнат во првата година на пандемијата на ковид-19, денес нема никаква поддршка од државните институции, а сепак успева да донесе светски ѕвезди на блузот и да ги исполни своите цели. Така на 28 ноември во ...
Албумот на гитаристот Владимир Василевски-Четкар „Let Us Be“, кој е издаден во Јапонија, е прв на листата на препорачани албуми на национално ниво низ сите музички продавници на „Тауер рекордс“ во Јапонија. Во критиката за албумот, меѓу другото, се вели: „Од неговиот урбан соул стил, преку правците на ‘Инкогнито‘ и Џамироквај, сѐ до фанк диско стилот, неговиот сензибилитет го одделува од комерцијалните правци. Топло се препорачува за сите ...
Музичкото дуо „Консонас“, составено од сопранистката Ана Митоска и пијанистката Јанинка Невчева, одржа концерт во Културно-информативниот центар во Истанбул. Се претставил со дела од Бах, Хендел, Калдара, Ламберт, како и од две македонски композиторки од поновата генерација, Валентина Велковска-Трајановска, која е претседателка на СОКОМ и Дарија Андовска, деканка на ФМУ. Од Велковска-Трајановска беше изведена композицијата „Глуварче“ (Dandelion) ...
Во скопската општина Кисела Вода заврши снимањето на дебитантскиот краткометражен филм на Ѓорѓи Лазов, „Мајка“. Во главните улоги се Наташа Петровиќ и Соња Михајлова, а играат и Слободанка Чичевска, Ивица Димитријевиќ и Јована Синадиноски. Продуцент е Александар Арсовски, директор на фотографија е Никола Марковски, а мајстор на светло Сашко Стојановски-Меанџи. Костимите се на Жаклина Крстевска, сценограф на филмот е Дејан Ѓошевски, а шминката и ...
Седмоодделенката Дона Китанова од основното училиште „Вера Циривири-Трена“ од Скопје е добитничката на Гран при наградата на меѓународниот поетски конкурс на 57. Детски Рацинови средби. Годинашниот литературен и ликовен конкурс беше на тема „Мене и душата ми е црвена“. Првата награда на меѓународниот литературен конкурс ја освои деветтодделенката Даниела Теова од ОУ „Васил Главинов“ од Велес. Таа освои две награди на оваа манифестација намената ...
Српскиот актер и пејач Иван Босиљчиќ ќе настапи во Скопје за дочекот на Нова година, во Националната опера и балет од 22 часот, објави продукцијата „Прагма“. Босиљчиќ ќе има кабаре шоу заедно со стендап настап. Забавата ќе продолжи со Вера Јанковиќ, која ќе пушта ретро музика до рано наутро. Во билетите кои чинат од 3.000 денари се вклучени храна и неограничено пиење, објавија организаторите. Босиљчиќ во март годинава одржа два концерта во ...
Гаро Тавитјан Јуниор сними нова песна заедно со легендите на екс-ју рокот Срѓан Гојковиќ-Гиле од „Електрични оргазам“, Дарко Рундек од „Хаустор“, Давор Гобац од „Психомодо поп“ и Бодан Арсовски од „Леб и сол“. Продуцент на песната „Поле на чудата“ (Поље чудеса) е неговиот брат Диран Тавитјан, а музичарите се споени под името „Култ клуб“. „До оваа соработка дојде откако Јулије Рељиќ од ‘Хаустор’ ми се јави да гостувам на негови композиции како ...
На 18 ноември во Галеријата на Младинскиот културен центар (МКЦ) ќе се отвори изложба на Елена Гелева, насловена „Youclidean“. „Поаѓам од англискиот јазик, изговорот на двете букви ‘Е’ и ‘U’ напишани една по друга и изговорот на заменката ‘You’, речиси не се разликуваат. Првите две букви ‘Eu’ од зборот Euclidean (Евклидова) ги одземам, и ги заменувам со зaменката ‘You’(Ти). Идејно, го позајмувам првиот постулат на Евклидовите ‘Елементи’: ‘Права ...
Познати солистки од Националната опера и балет (НОБ) ќе учествуваат на донаторскиот гала концертот „Жените на Пучини,“ кој ќе се одржи на 19 ноември од 20 часот во фоајето на Операта. Концертот се одржува по повод одбележувањето на стогодишнината од смртта на италијанскиот композитор Џакомо Пучини. со пијано придружба на Андреј Наунов. Режисер е Дејан Прошев. „Настанот вклучува богата културна и гастрономска програма“, велат од Операта. ...
Апостол Икономов-Поце се расплака на концертот на „Меморија“, сношти (16 ноември) во скопската сала „Борис Трајковски“ откако ја испеа песната „За тебе“, посветена на неговата сопруга која почина во мај по долга борба со рак. Тоа е само еден момент кој ќе се памети од јубилејниот концерт на бендот кој прослави 40 години. Настапот на „Меморија“ почна со сплет од патриотски песни, со двајцата пејачи на сцената, Поце и Ристо Самарџиев, заедно со ...
Комичарот Конан О’Брајен ќе биде водител на Оскарите во 2025, соопшти Академијата за филмска уметност и наука. Ова е прв ангажман за 61-годишниот О’Брајен, кој има богата кариера и како водител и како продуцент во телевизиски проекти, како домаќин на најважната филмска вечер во Холивуд. Претходните две години водител беше телевизиската ѕвезда Џими Кимел. Деведесет и седмото доделување на престижните филмски награди е закажано за 2 март во ...