Фудбалерите на Арсенал ја завршија сезоната во Лигата на шампионите, бидејќи во четвртфиналето од ова натпреварување беа поразени од Баерн. Тренерот на „топчиите“ Микел Артета истакна дека на неговиот тим му треба малку повеќе искуство во Лигата на шампионите за да дојде до врвот.
„Овој клуб не играше во Лигата на шампионите во изминатите седум сезони. Толку многу сакавме да стигнеме до полуфиналето или финалето веќе оваа година, но видовме дека на другите често им требаат шест или седум години за да постигнат таков успех“, рече Артета и додаде:
„Бевме многу блиску – тоа е реалноста. Ќе мора да се справиме со болката вечерва и утре да станеме и да продолжиме да играме со истиот став“.
