Премиерот на Словачка, Роберт Фицо, по неколкучасовната операција поради здобиените повреди во вчерашниот атентат, е во свесна состојба, објавија локалните медиуми.

Но, медиумите не наведуваат детали за здравствената состојба на Фицо, кој вчера беше застрелан во градот Хандалова додека се поздравуваше со насобраниот народ.

Напаѓачот е познатиот словачки писател Јурај Цинтула, кој тврди дека пукал во Фицо бидејќи не се согласувал со политиката на Владата.

Словачкиот премиер се здоби со повреди во градите и стомакот и со хеликоптер беше пренесен во болница, каде му беше извршена операција.

Новородено бебе кое синоќа беше пронајдено во Запрешич кај Загреб завиткано во ќебе и фрлено во контејнер е надвор од животна опасност, потврдија за „Индекс“ од загрепската полиција.

Полицијата пријавата ја добила околу 23 часот. Новороденчето е пренесено во болница во Загреб.

„Новороденчето било донесено во КБСД околу полноќ. Тој е во добра физичка состојба, со редовни витални функции и без знаци на надворешни повреди“, велат од болницата.

Според првите информации, на местото каде што е пронајдено бебето имало и 15-годишно дете, кое побарало помош од минувачите, но полицијата ја демантираше оваа информација.

Полицијата се уште го истражува случајот и продолжува со утврдување на околностите и идентитетот на мајката.

Самостојниот синдикат на просветните работници на Србија (НСПРС) в четврток, 16 мај, ја прекинува работата во сите училишта поради загрозена безбедност при работа.

Независниот синдикат на просветните работници на Србија ги повика вработените во образованието, како и сите други граѓани кои сакаат училиштата да бидат место за мирна работа и престој на учениците и наставниците, да дојдат на протестен митинг пред Собранието на Србија в четврток, 16 мај во 12 часот и да ги поддржат барањата.

-Насилството врз вработените во образовните институции не стивнува. . .

Се бараа измени на Кривичниот законик со кои ќе се дефинира остра санкција за секој облик на насилство во училиште и во врска со работата во училиште, укинување на анонимните пријави до просветен инспекторат и воведување можност за суспендирање на ученик – насилник по брза и едноставна процедура, велат од Синдикатот.

Оттаму додаваат дека и покрај големиот број инциденти и трагичните настани во училиштата кои следеа, „Владата упорно ги игнорира овие барања“.

-Ја покануваме и Славица Ѓукиќ Дејановиќ да дојде на овој состанок и да се соочи со вистината за ресорот за кој е одговорна, наместо да ги посетува училиштата каде директорите се членови на Социјалистичката партија на Србија како дел од изборната кампања.

Или треба веднаш поднесете оставка, заклучуваат од Синдикатот.