Скопјани со висока општествена одговорност

Вести

пред една недела

Денеска македонските гласачи покажаа висока општествена одговорност и во голем број го изразија своето демократско право.

Според јавно достапните информации на Државната изборна комисија за излезноста на претседателските избори податоците се следниве:

Во Општина Аеродром гласале 36.520 луѓе, односно 54,45 отсто од гласачите.

Во Општина Центар гласале 23.368 луѓе, односно 54,00 отсто од гласачите.

Во Општина Карпош гласале 30.406 луѓе, односно 54,91 отсто од гласачите.

Во Општина Кисела Вода гласале 28.361 луѓе, односно 53,78 отсто од гласачите.

Висока излезност има и во Ѓорче Петров, Илинден.

На ниво на Македонија највисока е излезноста во Новаци со 66,47 отсто, а најмала излезност во Липково со 6,48 отсто.

Ова е 55 годишната Лела која беше убиена од својот партнер Никола

Вести

пред 20 минути

Лела С.(55) е убиена пред 5 дена во Нов Белград. Животот ѝ го одзел нејзиниот емотивен партнер Никола Л.(45) кој ја избодел со нож, а потоа си го пресекол грлото.

Многу пријатели на социјалните мрежи се простија од Лела со болни пораки.

„Лела не беше само драга пријателка, туку и нежна мајка за својот син Рашко. Лела засекогаш ќе живее во нашите срца и сеќавања како љубезна, нежна и мила личност.

Да потсетиме, во станот бил синот на жртвата Р.М.(23), кој, според неофицијалните информации на Телеграф, истрчал од станот за помош, но напаѓачот за тоа време го заклучил станот.

„Прво се скарале, а синот, гледајќи што се случува, истрчал од станот по помош, но Никола го заклучил станот, што значи дека бил решен во намерата да ја убие“, вели изворот на Телеграф.

Како што се претпоставува, вратата од станот била насилно отворена од синот кој наишол на грозоморна сцена.

Неговата мајка била избодена, додека нејзиниот емотивен партнер бил со пресечено грло. Жената давала знаци на живот, но набргу починала.

Како што дознавме, полиција повикала сосетка кој слушнала лелеци од станот. Истрагата за ова убиство и самоубиство ја води обвинителот на Вишото јавно обвинителство во Белград.

РКЕ донесе одлука: Горивата поевтинуваат

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 1,27 % во однос на одлуката од 16.5.2024 година.

Од 21.5.2024 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 83,00 (денари/литар)

Моторен бензин ЕУРОСУПЕР БС - 98 85,50 (денари/литар)

Дизел гориво ЕУРОДИЗЕЛ БС (Д-Е V) 73,00 (денари/литар)

Масло за горење Екстра лесно 1 (ЕЛ-1) 72,50 (денари/литар)

Мазут М-1 НС 42,629 (денари/килограм)

Малопродажната цена на бензинот ЕУРОСУПЕР БС-95 се намалува за 1,50 ден/лит. Малопродажните цени на бензинот ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 1,00 ден/лит. Малопродажната цена на Мазутот М-1 НС се намалува за 0,306 ден/кг и сега ќе изнесува 42,629 ден/кг.

МВР со детали за аспењето на Георгиев: Судијата е лишен од слобода при извршување на кривичното дело

Вести

пред 3 часа

Министерството за внатрешни работи го потврди апсењето на судијата од Врховен суд, Наќе Георгиев.

МВР ги соопшти деталите за апсењето на Врховниот судија Георгиев. Ќе одговара за сторено кривично дело Примање награда за против законико влијание.

„Денеска (20.05.2024) лишен од слобода е судија од Врховен суд поради постоење на основи на сомнение за сторено кривично дело Примање награда за против законито влијание“, информираат од полицијата.

Од таму додаваат дека судијата е лишен од слобода на лице место при извршување на кривичното дело.

Се чекаат понатамошни насоки од надлежен јавен обвинител.