Џејдон Санчо не се враќа во Манчестер јунајтед?!
Фудбалерот на Борусија Дортмунд Џејдон Санчо ќе се обиде со сите сили да избегне враќање во Манчестер јунајтед.
Од моментот на пристигнувањето на „Олд Трафорд“ во 2021 година до минатата зима, Џејдон Санчо беше само сенка на магионичарот кој блесна во дресот на Борусија Дортмунд. Сега кога се врати на „Вестфален“, Англичанецот се чини дека се враќа во потребната форма и повторно има слобода да демонстрира квалитет и да направи разлика на теренот.
По првиот дуел со ПСЖ во полуфиналето од Лигата на шампионите пристигнаа многу пофалби, се огласи дури и менаџерот на „црвените ѓаволи“ Ерик тен Хаг, кој го отстрани од првиот тим, велејќи дека вратата му е отворена за враќање, но прашање е дали тоа го сака Санчо.
Директорот на Борусија Дортмунд, Себастијан Кел изјави дека клубот ќе направи сè за да го задржи Санчо:
– Ќе направиме сè што е во наша моќ за да го задржиме. Но, свесни сме дека Манчестер јунајтед гледа како игра и можеби ќе сака да го продаде и да оствари профит или да го врати во клубот – рече Кел.