Политичката партија ВМРО-ДПМНЕ бара одговорност од директорот на затворот Шутка, Филип Андов-Сокол поради бегството на Нафи Абдиовски, за кој велат дека веќе 12 дена е во бегство, а исто така е и член на СДСМ.

 Сокол е и поранешен советник на Заев, а Нефи Абдиовски кој освен што има дузина пријави е и лик од доверба на СДС бидејќи има заеднички фотографии и со Заев и со Груби и со Пендаровски, но и фотографии во премиерскиот кабинет во Влада. Очигледно овој бегалец од затворот кај што раководи Сокол имал и повластен третман, што веројатно му овозможило да го напушти затворот и да не ја долежи казната, велат од ВМРО-ДПМНЕ.

Посочуваат дека бегствата од затвор стануваат секојдневие и потсетија дека пред некој ден имаше бегство од затворот Идризово, од каде избега криминалец кој застрела затворски стражар.

– Криминалците наместо во затвор се на улица и затоа подземјето владее со државата. Но во една мафијашка држава која има криминална влада, не е ни чудо главен сојузник на функционерите да бидат криминалците. Ова мора да престане, ова мора да се смени. Одговорност за ваквите скандали мора да има. Оваа криминална власт која дозволува криминалци и убијци слободно да шетаат на улица, мора да биде поразена и сменета, додаваат од политичката партија.