Еден од убијците на Данка сакал да се спогоди со полицијата: Ќе кажел се за делото во замена за помала казна
Се уште се трага по убиеното двегодишно девојче од Бор, Данка Илиќ. Како што пренесува српски Информер, еден од двајцата осомничени за убиството, сакал да се спогоди со полицијата. Тој им понудил на инспекторите да им каже се за делото во замена за полесна казна.
Двајцата работници во „Водовод“ го признаа делото, дека со возилото ја удриле малата Данка и потоа ја фрлиле на депонија.
Началникот на одделот за криминалистичка полиција Нинослав Чмолиќ утрово во телевизијата Информер, презентираше страшно откритие од истрагата за убиството на Данка.
Тој рече дека откако со својот автомобил ја удриле Данка, осомничениот С.Ј. и Д.Д. мислеле дека е мртва и ја ставиле во багажникот, но девојчето било живо и се разбудило во еден момент.
„На ГПС се снимени чудни движења на нивното возило. Нивните приказни не се совпаѓаат за давењето на детето, бидејќи детето се разбудило додека возеле“, вели тој.
„Возачот не ни забележал дека го удрил девојчето, тоа го сфатил дури кога му кажал совозачот. Веднаш ја ставиле во багажникот, а кога се разбудила малата Данка, совозачот ја задавил. Тоа ни го призна вчера и детално опиша сè. Потоа ја фрлиле на депонијата“, рече Цмолиќ.
Началникот вели дека најголем проблем со пронаоѓањето на детето е тоа што и возачот и совозачот давале погрешни информации, а се сомнева дека тоа е затоа што сакаат да ја прикријат состојбата на телото на малата Данка.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници