Викторија Бекам го открила начинот како нејзината гардероба да изгледа недопрена. Во својата „гардероба“, како и повеќето познати дами, има многу дизајнерска облека, чанти од луксузни брендови и скапи модни додатоци. Посебно се грижи за нив, што може да се забележи секогаш кога ќе се појави во јавноста - облеката секој пат изгледа како нова.
Во едно интервју таа признала дека својата огромна колекција облека ја чува во посебен сеф со контрола на температурата и иновативен систем. Опремен со најсовремена технологија, плакарот на Викторија има прецизен систем за секое парче облека, чанта, чевли и моден додаток. Секој предмет е забележан во онлајн систем, овозможувајќи и на модната дизајнерка брзо и ефикасно да пристапи до кое било парче облека.
„Многу среќна што имам многу работи што ги чувам во сеф со контролирана температура. Имам база на податоци каде што можам да внесам, на пример, „црни чевли“ и да ги видам сите што ги поседувам“, изјавила Викторија Бекам за „Тајмс“.
Покрај внимателното управување со гардеробата, Викторија открила и дека нејзината ќерка Харпер (12) е многу заинтересирана за нејзината колекција дизајнерски чанти и често ја проверува базата на податоци за да ги види сите работи што ги поседува нејзината мајка.
Викторија Бекам има импресивна колекција на веренички прстени, дури 15 скапоцености. Прстените ги добила од сопругот Дејвид Бекам. Поранешниот фудбалер во текот на 24 години брак на својата сопруга и подарил многу скапоцени прстени, секој со различен дизајн. Првиот веренички прстен на Викторија бил дијамант кој наводно чинел 85.000 долари во 1998 година. Според „Дејли мејл“, прстените вредат повеќе од 30 милиони фунти, ако се земе предвид дека најевтиниот прстен чини 69.000 фунти, а најскапиот 4,4 милиони.
