Јапонскиот меѓународен аеродром Кансаи прославува 30 години работа без ниту еден изгубен багаж.

Седмиот најпрометен јапонски аеродром соопшти дека досега не изгубил ниту еден патнички багаж од отворањето во 1994 година, пишува Си-ен-ен.

Овој аеродром има во просек од 20 до 30 милиони патници годишно. „Скајтракс“, веб-страница за рангирање и рејтинг на авијација со седиште во Велика Британија, го прогласи аеродромот Кансаи за најдобар на светот за ракување со багаж и му ја додели наградата во април.

За оваа година, Кансаи беше рангиран како 18. најдобар аеродром во светот, зад меѓународните аеродроми во Токио, Нарита, која е на петтото место и Ханеда, која е на четвртото место.

При изборот на најдобриот аеродром се земаат предвид критериумите како што се пристигнувањето на багажот навреме, понудата на храна и пијалоци, процентот на навремени влезни и појдовни летови и чистотата.

Вработените во аеродромот изјавија дека не се чувствуваат како да прават нешто посебно, но дека се среќни што ја добиле наградата.

Аеродромот Кансаи е изграден на вештачки остров во заливот Осака и ги опслужува регионите Осака, Кјото и Кобе.