ВИДЕО: Драма на аеродромот во Истанбул, товарен авион слета без тркалата
Страшно слетување на комерцијален авион се случи на аеродромот во Истанбул откако предниот дел од опремата за слетување на леталото не се отвори.
Како што јави Анадолу, товарен авион од типот Боинг 763 на компанијата Фекекс Ерлајнс, кој летал на релација Париз – Истанбул, имал дефект во системот за слетување.
Тој стапил во контакт со контролната кула на аеродромот во Истанбул и побарал дозвола за слетување.
По ова, преземени се неопходните мерки на претпазливост и испратени се екипи на спасувачката и противпожарната служба на аеродромот.
Кога авионот слетал, неизбежно се влечел по асфалтот, искрејќи од триењето. За летови беше затворена и пистата 16Р на аеродромот во Истанбул, каде што слета авионот.
Гувернерот на Истанбул, Давут Ѓул, одговарајќи на прашања од медиумите по состанокот за проценка на безбедноста за првите 4 месеци од 2024 година, одржан во салата за состаноци на Дирекцијата за катастрофи и вонредни состојби во провинцијата Истанбул (AFAD) во Хасдал, рече: „Аеродромот во Истанбул е еден од најинтегрираните и најспецијализираните аеродроми во светот. Затоа, секое нарушување на пистата не влијае на летовите, летовите продолжуваат.
Во соопштението на истанбулскиот аеродромски оператор ИГА во врска со несреќата, се потсетува дека Боинг 767 со број на летот FX6238, кој полетал од аеродромот Шарл де Гол во Париз, успешно слетал под водство на кулата за контрола на летање без отворена предна опрема за слетување од техничка причина.