Која е Валери од истоимената песна на Ејми Вајнхаус?
Една од најпопуларните песни на Ејми Вајнхаус е „Valerie“, хит од 2006 година кој стана омилен на фановите, но малкумина знаат дека песната е всушност кавер и дека првично е напишана и изведена од британскиот бенд „The Zutons“. Постојат многу теории за што или за кого се работи во песната, но мистеријата конечно е решена бидејќи е пронајдена „вистинската“ Валери од песната, пишува „NME“.
Валери Стар е позната шминкерка од Њујорк, која во интервју за Вајс откри како била во врска со фронтменот на бендот Дејв Мекејб и рече дека песната всушност е за неа, што Мекејб го потврди.
„Таа беше во САД, јас бев дома и тоа беше како разгледница“, рече тој и откри што точно го инспирирало да ја создаде песната. Имено, Валери за малку ќе отидеше во затвор по неколку сообраќајни прекршоци, кои ја спречија да дојде во Велика Британија. На крајот на краиштата, Ејми Вајнхаус во песна праша: „Дали ти треба добар адвокат?“
„Се сеќавам кога ми кажа за песната. Тоа беше како „Напишав песна за тебе. И стана сингл“. И тој не сакаше да ми каже никакви детали. Беше многу срамежлив поради тоа. И си помислив „Валери, како звучи оваа песна?“, признала Валери.
Двојката првично се запозна на концерт во Флорида, каде Зутонс беа предгрупа.
„Имаа толку уникатен звук и никогаш порано не сум слушнала такво нешто. Електричната енергија што ја создадоа заедно на сцената како бенд беше едноставно прекрасна“, се сеќава таа.
„Еден пијалок се претвори во многу други. Отидовме во станот на еден пријател и пиевме шампањ на покривот додека не изгреа сонцето. И тоа беше нашата прва средба”, додаде таа.
На прашањето која е нејзината омилена реплика од песната, Валери рекла дека ѝ се допаѓа делот во кој тој ја опишал нејзината „црвена“ коса, додавајќи дека таа во тоа време се „облекувала смешно“, исто како и Валери од песната.
Валери раскажа како и било скршено срцето кога видела дека песната станува огромен хит во исто време кога Ејми Вајнхаус се борела со зависноста.
„Таа беше брилијантен уметник. Таа беше напред пред своето време. Тоа е толку тажно и трагично, на толку многу начини. Како и видеото, таа не можеше да биде во него бидејќи беше во свој свет”, рече таа.