Свет

Ужас во Виена: Девојче е најдено мртво во стан на Авганистанец, била дрогирана и силувана

Девојче (14) вчера наутро било пронајдено мртво во стан во Виена, а австриските медиуми јавуваат дека била дрогирана и малтретирана.

Девојчето од Долна Австрија е пронајдено мртво во стан на Авганистанец, пренесува Кронен.

Според досегашните сознанија, 26-годишниот осомничен можеби ја намамил девојката во зградата со дрога. Додека девојчето на крајот наводно починало од предозирање, младиот човек кој дошол со бранот бегалци во 2015 година тврди дека имал „консензуален секс“ со неа.

Истрагата за вознемирувачката смрт сега ја презеде Националната криминалистичка полиција.

Ова шокантно откритие дојде по групното силување на девојче (12) пред неколку дена.

Имено, група од 17 членови на банда од различни националности е осомничена дека силувале девојче.

Осомничените за неколкумесечно сексуално злоставување на малолетничка (12) во Австрија, се ослободени и моментално се во бегство, освен едно момче кое се уште е во притвор.

Семејството на жртвата многу се плаши дека напаѓачите може да му се одмаздат на нивната друга ќерка.

Местата на злосторството биле паркови, скали, тоалети и гаражи, а наводно била изнајмена хотелска соба заради силување.

За потсетување, австриската полиција во петокот објави дека покренала истрага против 17 лица, главно малолетни. Станува збор за луѓе од различни националности, вклучувајќи Австријци, Турци, Македонци и Бугари, како и млад Италијанец и млад Србин.

Исто така, сличен случај се случил во 2021 година кога мигрант од Авганистан беше обвинет за групно силување и убиство на 13-годишно девојче во Виена. Да потсетиме, девојчето било дрогирано, силувано, а подоцна и задавено.

Свет

Властите во Хјустон повикаа на евакуација поради огромните поплави (ВИДЕО)

Се предвидува дека во Хјустон, Тексас, ситуацијата со поплавите ќе се влоши, еден ден откако силно невреме го зафати регионот, а властите ги предупредија жителите во ниските области на градот да се евакуираат пред очекуваните големи поплави.

Според прогнозата на метеоролозите, количината на врнежи од 2,5 до 7,6 сантиметри на метар квадратен вечерва ќе доведе до големи поплави.

Во Хјустон вчера околу 20 луѓе беа спасени од поплавеното подрачје, вклучително и оние кои се качиле на покривите на своите домови.

Локалните власти соопштија дека неколку стотици згради се во опасност од поплави, како и дека наставата во училиштата е откажана, а некои патишта се затворени поради поплави.

Обилните дождови со недели го зафатија Тексас и делови од американската сојузна држава Луизијана, а делови од југоисточниот дел на Тексас, северно од Хјустон, се поплавени.

Тенис

Надал ги демантираше гласините за пензионирање по Ролан Гарос

Шпанскиот тенисер Рафаел Надал ги демантираше гласините дека неговиот настап на претстојниот Ролан Гарос ќе биде последен во неговата кариера.

Рекордерот по освоени Гренд слем титули во Париз (14) и оваа сезона има намера да се бори за трофејот во француската престолнина, но поради проблеми со повредите, некои медиуми побрзаа да го пензионираат што е можно поскоро.

Но, тоа воопшто не му се допадна на Надал, па по поразот од Јиржи Лехечка во Мадрид се наврати на медиумите и изјави дека се уште нема намера да се пензионира. Особено не во Париз, каде летово би можел да се најде како член на олимпискиот тим на Шпанија.

-Мојот сон е последен пат да се натпреварувам на Олимписките игри. Никогаш не реков дека мојата кариера ќе заврши на Ролан Гарос, јасно подвлече Надал за шпанскиот канал „Мовиестар“.

Рафаел Надал моментално е 512. играч во светот, има 37 години и сезонава забележа три победи и два порази. Во текот на својата блескава кариера оствари биланс од 1.071 победа и 222 порази. На врвот на светската АТП листа стигна во 2008 година, додека во текот на кариерата освои 92 титули и нешто повеќе од 130 милиони долари на турнири.

Македонија

Облачно време со локален дожд и северен ветер

Времето денеска ќе биде променливо облачно, наместа со повремени врнежи од дожд.

Ќе дува умерен, а долж Повардарието и во источните делови, повремено засилен ветер од северен правец. Минималната температура ќе биде во интервал од 4 до 11, а максималната ќе достигне од 14 до 21 степен.

Во Скопје, ќе биде променливо облачно со повремени врнежи од дожд. Ќе дува умерен ветер од северен правец. Минималната температура ќе се спушти до 8, а максималната ќе достигне до 19 степени.

Во текот на ноќта и изутринава времето е претежно облачно, наместа со повремени врнежи од дожд. Дува слаб до умерен ветер од северен, а во Пелагонија повремено засилен ветер од западен правец кој во Битола достигнува брзина до 45 km/h.

Најмногу дожд во изминатото деноноќие има наврнато во Крива Паланка 20 литри на метар квадратен, во Штип 15, во Берово 12, во петровец - Скопје и во Охрид 9, во Демир Капија 7, во Претор 5, во Велес и Кавадарци 4, во Струмица и Гевгелија 3, во Виница и Лазарополе 2 и во Битола и Куманово еден литар на метар квадратен.

Синоптичарите за утре и за понеделник најавуваат претежно сончево и потопло време. Во вторник, локално ќе има изолирана појава на пороен дожд и ретки грмежи. Под влијание на нов влажен бран, в среда и четврток на повеќе места ќе биде нестабилно со пороен дожд и грмежи, локално во форма на невреме.