Роботот Optimus на Tesla може да оди и да извршува едноставни задачи / ВИДЕО
Илон Маск: „Побарувачката ќе биде 20 милијарди парчиња“
Претстојниот хуманоиден робот на Tesla, познат како Optimus, продолжува да се развива од страна на производителот на автомобили, а неодамнешно видео објавено од брендот го покажува напредокот кој е постигнат откако роботот последен пат беше прикажан на Денот на вештачката интелигенција на Tesla минатиот октомври.
Овој клип покажува дека во Tesla постигнале значителен напредок со Optimus во изминатите 8 месеци, иако способностите на роботот се уште се далеку зад оние на другите роботи развиени од Boston Dynamics. Тој е прикажан како полека оди околу објектот на Tesla, а во една фаза покажува i човечки демонстрации.
Ова го демонстрира инженер на Tesla кој зема предмети од една кутија и ги става во друга. Optimus е во состојба да ја имитира задачата со неговите „човечки“ раце. Извршниот директор на Tesla, Илон Маск, е исклучително уверен во иднината на Optimus. Тој претходно изјави дека најголемиот дел од долгорочната вредност на Tesla ќе дојде од роботите и очекува да продаде значително повеќе роботи отколку автомобили.
Всушност, Маск дури тврдеше дека побарувачката за роботот може да биде од 10 до 20 милијарди единици, повеќе од бројот на луѓе на планетата.
Говорејќи на Денот на вештачката интелигенција на Tesla минатата година, Маск додаде дека роботот има потенцијал да биде трансформативен за цивилизацијата. Навистина, тој тврдеше дека тоа може да доведе до „иднина на изобилство, иднина каде што нема сиромаштија, каде што можете да имате што сакате во однос на производите и услугите“.