• Мартин Танасковски
Светските фудбалски агенти започнаа свој проект преку кој ќе ги штитат своите интереси. Формирана е Интернационалната федерација на фудбалски агенти (ИФФА) со седиште во Лос Анџелес, Калифорнија, САД, а Македонија ќе има еден член во највисоките истанци.
Се работи за проект кој има за задача да ги штити интерсите и правата на фудбалските агенти и воедно да ги едуцира сите кои се бават со оваа професија, како и да ја зајакне позицијата и интегритетот на фудбалската мапа.
Прв претседател на ИФФА е Др. Еркут Согут, долгогодишен спортски адвокат и агент на бројни фудбалски ѕвезди меѓу кои се имиња како Илкај Гундоган, Месут Озил, Роберт Пирес и останати.
Управниот одбор се состои од 15 личности, а меѓу нив има и претставник од Македонија, Хари Хоџиќ, ФИФА Агент и сопственик на Гринта, е назначен како дел од одборот кој ќе има удел во носењето на одлуките за иднината.
Покрај што е дел од Управниот одбор, Хоџиќ ја има и позицијата Регионален директор за Македонија.