Емили Ратајковски се погрижи сите погледи да бидат вперени во неа, појавувајќи се на третата годишна „King’s Trust“ гала во Њујорк облечена во фустан со боја на шампањ.
Најзначајната карактеристика на тесниот фустан бил длабокиот V-изрез на средината, кој стигнувал речиси до нејзиниот папок. Силуетата со отворен грб ѝ помогнала на манекенката да остане во центарот на вниманието.
Што се однесува до аксесоарите, таа се одлучила за неколку парчиња накит украсени со дијаманти. Косата ја обликувала во волуменозни меки кадрици префрлени на едната страна.
„The King's Trust“ галата ја поддржува работата на глобалната хуманитарна организација на Кралот Чарлс Трети основана во 1976 година, порано позната како „Prince’s Trust“. Оваа гала е првиот настан што се одржа откако беше преименувана, по крунисувањето на британскиот монарх во мај 2023 година.
Иако Чарлс не бил присутен, тој изразил благодарност преку писмо. Покрај Ратајковски, други познати личности кои присуствуваа на церемонијата беа манекенката Ирина Шајк, пејачката и актерка Тејана Тејлор, моделот Криси Тајген и стилистот Ло Роуч.
Домаќини на настанот, одржан во „Casa Cipriani“ во Њујорк, беа глобалните амбасадори Лајонел Ричи и Едвард Енинфул за да помогнат во собирањето средства за поддршка на младинската хуманитарна организација.
