ФОТО | На Никола Роквиќ на осмиот ден од пешачењето до Грција му се придружија две многу важни личности во неговиот живот
Српскиот пејач Никола Роквиќ пред осум дена пеш тргна на пат до Атина до манастирот Свети Нектариј Егински во Грција, долг 1.060 километри.
Никола дневно пешачи/трча по 30 километри, а на социјалните мрежи се огласува и ги информира своите следбеници за деталите од неговата хуманитарна мисија.
Пејачот сега на својата инстаграм-приказна откри дека има друштво на ова патување, поточно дека му се придружиле мајка му Славица и тетка му Сузана.
„Овде и јас имам поддршка. Тука се мајка ми и тетка ми. Мајки, како оди?“, ги прашал Никола, а тие одговориле: „Одлично, одиме за Грција“.
Потсетуваме, пејачот истиот ден откри дека досега собрал шест милиони динари за својата хуманитарна акција, поточно за собирање средства за детската онкологија. Сето тоа го организира во рамките на фондацијата „Семејство“ која ја основа со сопругата Бојана и која има за цел да им помогне на многудетните семејства, на загрозените и болните деца, како и на младите таленти.
Никола Роквиќ пеш тргна кон Грција, мора да помине 1.150 километри
