Продолжува генералниот штрајк на специјализантите
Продолжува генералниот штрајк на приватните специјализанти. Во понеделник под мотото „Пет до дванаесет за македонското здравство“ револтот ќе го изразат и пред ресорното министерство.
Денеска од кругот на клиничкиот центар порачаа дека не остапуваат од своите барања, повисоки плати и регулирање на здравственото осигурување.
Владата и министерството за здравство одлучија дека стаусот на специјализантите ќе се решава по изборите, преку законски решенија.
Над 400 приватни специјализанти работат за потпросечна плата, без здравствено и пензиско осигурување.