ФАКТОР НА ДЕНОТ: Лидерите од регионот и пошироко ја честитаат победата на Гордана Силјановска Давкова
Објавено во: Македонија 09 Мај, 2024
ЧЕСТИТКИ ЗА ПОБЕДАТА НА СИЛЈАНОВСКА ДАВКОВА
Претседателката на Косово, Вјоса Османи упати честитки до македонската претседателка Гордана Силјановска Давкова.
Османи порача дека Косово и Македонија имаат одлични меѓусоседски односи и споделуваат силна посветеност на европската интеграција и додаде дека со нетрпение очекува да работи со Силјановска „за да се постигне оваа заедничка цел“.OСТАВКИ ПО ИЗБОРНИТЕ РЕЗУЛТАТИ
„Падна“ уште една оставка. Претседателката на ДОМ, Маја Морачанин синоќа на Фејсбук информираше дека поднесува оставка од оваа фукција во партијата, по поразот на нивната коалиција предводена од СДСМ на парламентарните избори.
„Почитувани граѓанки и граѓани, членови и поддржувачи на зелената партија ДОМ, како израз на етичка и морална одговорност, поднесувам оставка од функцијата претседателка на ДОМ. Во најкус можен рок, согласно Статутот на ДОМ, ќе организираме конгрес на кој ќе биде избран новиот претседател и раководство на ДОМ. Знам дека ДОМ ќе продолжи посветено да се бори за спроведување на зелените политики во Македонија. Честитки до претседателката Гордана Силјановска-Давкова и ВМРО-ДПМНЕ“, напиша Морачанин на својот профил на Фејсбук.МИЦКОСКИ НАЈАВИ КОИ ЌЕ БИДАТ ПРИОРИТЕТИТЕ
Претседателот на ВМРО-ДПМНЕ, Христијан Мицкоски вечерва во „Само интервју“ на Канал 5 изјави дека се случило тоа што тој го најавил, дека ВМРО-ДПМНЕ ќе има над 55 пратеници.
Вели дека граѓаните јасно и гласно зборувале зад параваните. Рече дека политичкиот противник Димитар Ковачевски се јавил да му честита. Очекува до 28 мај да се конституира Парламентот, а до тој рок очекува да консолидира 61 пратеник.
„Демографијата ќе биде голем предизвик, фертилитетот ќе биде голем придонес. Едноставно е, ако се намалува бројот на население, тоа ќе значи помалку пари во буџетот“, вели Мицкоски.ЧИТАЈТЕ УШТЕ
Можеби ќе ве интересира
Едно лице загина и две се тешко повредени во сообраќајкана автопатот Куманово - Скопје
Стигна предупредување и од потпретседателот на ЕК за Договорот од Преспа
ДО КРАЈОТ НА МАЈ ТОПЛО, НО МНОГУ НЕСТАБИЛНО: Се очекуваат нови врнежи, грмежи, силен ветер и локално посилно невреме - можни се локални поројни поплави
„БАБА АНКА Е ИЗГУБЕНА, ВЕ МОЛАМ ПОМАГАЈТЕ“: Се бара жена во Скопје, исчезнала во Кисела Вода
УШТЕ ЕДНА ГОЛЕМА ИНФОРМАЦИЈА ЗА ЛИДЛ ВО МАКЕДОНИЈА: Планира да вработи 150 работници во нова инвестиција вредна 80 милиони евра
„ПРЕТХОДНО НА ОВАА ТЕРИТОРИЈА ИМАШЕ ДРЖАВА СО ВОДСТВО СО КОЕ НЕ МОЖЕА ДА ИГРААТ МАЈТАП“: Груевски уште еднаш распали, овој пат за Грција и досегашната влада
ФАКТОР НА ДЕНОТ: Таравари вели дека нема дефинитивен договор околу поделбата на ресори меѓу ВМРО – ДПМНЕ и „Вреди“
НАЈЧЕВСКА: Ситни и покрупни националисти ја прават Македонија анахроно место на живеење
