Олимпијакос или Астон Вила, кој ќе биде вториот финалист во Конференциската лига?
Денеска од 21.00 часот ќе се игра реваншот од полуфиналето во Конференциската лига помеѓу фудбалерите на Олимпијакос и Астон Вила.
По првиот натпревар грчката екипа има предност од 4:2 и останува да се види дали играчите предводени од тренерот Хосе Луис Мендилибар ќе успеат да ја одбранат истата.
Победникот од овој двомеч во финалето на 29 мај во Атина, Грција, ќе игра против Фиорентина која во полуфиналето со вкупен резултат 4:3 го елиминираше Клуб Бриж.
Еден од најзаслужните за големиот успех до сега сезонава на Олимпијакос во Конференциската лига е мароканскиот интернационалец Јусеф Ел-Араби кој на седум натпревари во ова натпреварување постигна осум голови (и една асистенција), а дури три од нив запишани токму на првиот меч против Астон Вила минатата недела.
Според најавите на возвратниот дуел во Пиреј во редовите на Олимпијакос на листата повредени фудбалери се Бианконе, Фадига и Леиднер, а на спротивната страна кај Англичаните поради повреда ќе отсуствуваат Буендиа, Камара, Мингс, Рамзи и Роџерс.
We go again 🍿
Which team will be joining Fiorentina in Athens? 🤩#UECL pic.twitter.com/J136SqoFCt
— UEFA Europa Conference League (@europacnfleague) May 9, 2024