ФАКТОР НА ДЕНОТ: ДИК го утврди редоследот на кандидатските листи за изборите
Објавено во: Македонија 12 Април, 2024
ДИК ГО УТВРДИ РЕДОСЛЕДОТ НА КАНДИДАТСКИТЕ ЛИСТИ
Државната изборна комисија (ДИК) на седница на 12 април го утврди редоследот на кандидатските листи за изборите.
Број 1 е Коалицијата за европска иднина предводена од СДСМ, број 2 - Коалицијата „Твоја Македонија“ предводена од ВМРО- ДПМНЕ, број 3 - Коалицијата „Храбро за Македонија“ предводена од ГРОМ, број 4 - Коалицијата Европски форнт, број 5 - Левица, број 6 - Коалицијата „Вреди“, број 7 - Движењето ЗНАМ - За наша Македонија, број 8 - Единствена Македонија.
Понатаму, број 9 е Нова алтернатива, број 10 - Аваја, број 11 - Европско граѓанско движење, број 12 - Македонска ера трета/Македонски независни листи, број 13 - Твоја партија, број 14 - Родина Македонија, број 15 - Десна, број 16 - Демократи и број 17 - Работничка партија.
МНР ПОВИКА НАШИТЕ ГРАЃАНИ ДА НЕ ПАТУВААТ ВО ИЗРАЕЛ, ИРАН, ЛИБАН И ПАЛЕСТИНСКИТЕ ТЕРИТОРИИ
Министерството за надворешни работи(MНР) упатува апел до државјаните на Република Северна Македонија да избегнуваат патувања кои не се неопходни, во Израел, Иран, Либан и Палестинските територии.
Ова следи по информациите за можно влошување на безбедноста во Израел и во регионот.
„Во оваа прилика, посочуваме на дежурниот телефон на Амбасадата на Северна Македонија во Тел Авив + 972 549 267 378 (мејл адреса telaviv@mfa.gov.mk ) како и дежурните телефони на Министерството за надворешни работи +389 75 273 732/ +389 268 736 (меил адреса globalsos@mfa.gov.mk )“, велат од МНР.
НАЈВЕРОЈАТНО ЌЕ ТРЕБА ДА СЕ ЗАМЕНИ И НОВАТА МЕТАЛНА КОНСТРУКЦИЈА НА УНИВЕРЗАЛНАНадзорниците на изградбата на Универзална сала, објект којшто во вторникот пламна во пожар предизвикан од засега непознати причини, по денешниот брифинг со медиумите рекоа дека е можно да има потреба од промена и на новата метална конструкција којашто како единствена „го преживеа“ инцидентот.
- Ќе има веројатно вештачење и ќе треба да се испита новата конструкција,тоа ќе го прават институти и треба да се покаже дали егзистенцијата на материјалот не е нарушена. Ако не е, тогаш ќе продолжи со работа. Доколку е спротивното нарушеното ќе се демонтира и ќе се прави нова конструкција, рече еден од надзорниците.ЧИТАЈТЕ УШТЕ