Ограничена од високите каматни стапки, острата инфлација и руската војна против Украина, се очекува светската економија да постигне само скромен раст оваа година, а уште помалку во текот на 2023 година.
Ова е прогнозата објавена оваа недела од Париската Организација за економска соработка и развој (ОЕЦД).
Според проценките на ОЕЦД, светската економија ќе порасне за само 3,1% оваа година, што е остар пад во споредба со силните 5,9% во 2021 година.
Следната година, предвидува ОЕЦД, ќе биде уште полоша: меѓународната економија ќе се зголеми за само 2,2%.
„Точно е дека не предвидуваме глобална рецесија“, рече генералниот секретар на ОЕЦД, Матијас Корман на прес-конференција.
„Но, ова е многу, многу предизвикувачка перспектива и мислам дека никој нема да се утеши од проекцијата за глобален раст од 2,2 отсто“, рече тој.
ОЕЦД, којa има 38 земји-членки, работи на промоција на меѓународната трговија и просперитет и објавува периодични извештаи и анализи.
