Со изградба на два нови гасоводи, Хрватска ја зајакнува гасната врска со Европа

Со цел да ја зајакне сигурноста во снабдувањето со гас, попрецизно гасните врски со Унгарија и Словенија, Хрватска планира изградба на два нови гасоводи. Така ќе се зголеми можноста за транспорт на поголеми количини на природен гас од терминалот за ТПГ на Крк, чиј капацитет во 2025 година ќе биде зголемен од 2,9 милијарди m3 на 6,1 милијарди m3 гас.

На седница, Владата на Хрватска донела Заклучок за изградба на гасоводот Босиљево – Сисак – Козарац и гасоводот Лучко – Забок. За првиот проект се предвидени средства од 322 милиони евра, а за вториот 78 милиони евра. Гасоводите ќе ги гради хрватската компанија Plinacro.