НАПАЃАЧОТ ОД ТРГОВСКИОТ ЦЕНТАР ВО СИДНЕЈ УБИ ШЕСТ ЛУЃЕ! Почина мајката на повреденото бебе, полицајка го ликвидираше убиецот

Добивај вести на Viber

Најмалку седум лица се убиени, вклучувајќи го и напаѓачот, кој со нож бодеше луѓе во трговски центар во Сиднеј. Во нападот со нож, во кој не беше поштедено ниту деветмесечно бебе, тешко беа ранети неколку лица. Бебето е во болница, но неговата мајка херој почина како последица на повредите, јавија австралиските медиуми. Полицијата соопшти дека бројот на загинати најверојатно ќе се зголеми поради сериозните повреди на луѓето кои биле пренесени во болница во Сиднеј.

Нападот се случил околу 15:00 часот во трговскиот центар Вестфилд, во источниот дел на градот, недалеку од најпознатата австралиска плажа Бонди. Напаѓачот, за кој беше утврдено дека убивал претежно жени, на крајот бил совладан од полицајка која случајно се нашла во близина на местото на настанот.

"Таа се соочи со напаѓачот, брзо му пријде одзади. Кога го повика, тој се сврте, ја погледна и го подигна ножот. Тогаш таа пукаше во него", изјави портпаролот на полицијата Ентони Кук на прес-конференција. Напаѓачот е мртов. 

Но, пред тоа, според информациите достапни во саботата попладне, тој убил пет жени и еден маж. Полицијата соопшти дека сè уште не знае дали намерно ги нападнал жените или тоа било случајност. Подоцна беше демантирана информацијата дека се работи за двајца напаѓачи, а полицијата соопшти дека опасноста поминала.

Полицијата во првите пријави наведува дека мотивот е непознат и не исклучува тероризам. Сепак, според портпаролот, на местото на настанот нема ништо што би укажало дека крвавата кампања имала идеолошки призвук. Подоцна тоа и официјално го потврди полицијата. Полицијата открила и дека напаѓачот е 40-годишен маж и дека и е познат на полицијата или има досие со нив. Сепак, се уште не се откриваат повеќе информации за масовниот убиец.

Еден од преживеаните, Џејсон, изјави за австралискиот ТВ канал 9 News дека го видел напаѓачот со „големо сечило“. Полицијата првично не соопштува детали за нападот, но потврди дека напаѓачот е убиен и дека областа повеќе не е опасна. Пријавено е дека бил во трговскиот центар, а потоа заминал, па се вратил со ножот.