Верстапен трета година по ред победи во Јапонија
Макс Верстапен е победник на трката за Големата награда на Јапонија. На патеката Сузука, Холанѓамецот победи пред тимскиот колега Серхио Перез и победникот од минатата трка во Австралија, Карлос Саинц од Ферари.
Трикратниот светски шампион трета година по ред славеше во Јапонија и со тоа ја забележа 57-та победа во кариерата. Со третата победа во првите четири трки оваа сезона Верстапен е лидер во генералниот пласман.
Најблиску до бранителот на титулата беше неговиот тимски колега Серхио Перез, додека возачот на Ферари, Карлос Саинц Јуниор беше на третото скалило на подиумот. На овој начин, Шпанецот стигна до подиумот и на третата трка сезонава. Саинц во Саудиска Арабија не возеше поради операцијата на слепото црево.
Во битката за победа на легендарната патека немаше возбуда, бидејќи Верстапен водеше од почетокот до крајот, исклучок се неколкуте кругови кога беше во боксот. Ривалите на Ред Бул се обидоа да го предизвикаат Перез со различни стратегии при одењето во бокс, но всушност Мексиканецот на крајот беше недопирлив за сите освен за неговиот тимски колега.
Најлоша стратегија имаше Мекларен. Раните заминувања во боксот им ја уништија трката на Ландо Норис, кој стартуваше од третото место и Оскар Пјастри.
На крајот Норис заврши на петтата, а Пјастри на осмата позиција.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд