Има едно место во светот кое е особено привлечно за ѕвездите и богатите, но кое е попрскано со крвта на стотици луѓе годишно. Туристичкиот рај на славните Лос Кабос е синоним за луксуз. Неговата локација е единствена: „Крајот на светот“, гласи еден од популарните слогани за промоција на дестинацијата.

Покрај терените за голф и луксузните вили, туристите уживаат во прекрасни ресторани по цени и за сиромашните и за ултра богатите. Ноќевање по лице е околу 300 долари, што е највисока просечна цена во Мексико, двојно повеќе од онаа во Канкун, според Родриго Еспонда, директор на туризмот во Лос Кабос. Лос Кабос е омилена дестинација на познатите личности како Леонардо ди Каприо и Џорџ Клуни. Тоа е, исто така, каде Гвинет Палтроу и Мајкл Фелпс се одмораат. Но, покрај тоа што е ѕвездено одморалиште каде такото може да чини 25.000 долари, Лос Кабос е и најопасниот град во светот. Сонцето е моторот на Лос Кабос, изворот на приход кој ја одржува целата економија на општината. Поради оваа причина, локалните власти директно ги отфрлаат резултатите од истражувањето, во кое Лос Кабос беше дефиниран како најопасен град веќе пред 6-7 години.

Овде имаме барем една смрт дневно“, вели Исус, лекар во болница во Лос Кабос, каде што годишниот пораст на убиства е 500%. Приближно 365 смртни случаи се случуваат годишно меѓу 328.245 жители. Ова го покажува истражувањето на невладината организација „Безбедност, правда и мир“ која годишно подготвува рангирање на 50 најопасни градови во светот. На овој начин, Лос Кабос ги претекнува тажните градови за рангирање како Каракас во Венецуела, Сан Педро Сула во Хондурас или Форталеза во Бразил, објави порталот Новините.