Официјално: Јирген Клинсман e нов селектор на Јужна Кореја
Поранешниот селектор на Германија и САД, Јирген Клинсман е именуван за нов селектор на Јужна Кореја.
Клинсман во наредната недела ќе допатува во Сеул на клупата на Јужна Кореја, а ќе дебитира во пријателскиот натпревар против Колумбија на 24-ти март, објави фудбалската федерација на оваа земја.
Германскиот стратег на клупата ќе го наследи Португалецот, Паоло Бенто кој Јужна Кореја ја предводеше до осминафиналето на Светското првенство каде што беа поразени од Бразил. Последниот ангажман Клинсман го имаше во Херта, а клубот од Берлин го напушти на почетокот на 2020 година, по само десет недели поминати на клупата.
Со репрезентацијата на Германија успеа да стигне до полуфиналето на Светското првенство во 2006 година кога беа поразени од Италија, подоцна на Мундијалот во Бразил 2014 стигна до осминафиналето каде што Германците беа поразени од Белгија.
Во Јужна Кореја главната задача ќе му биде да ја одведе оваа репрезентација на Светското првенство во 2026 година кое се одржува во САД, Канада и Мексико.
View this post on Instagram