„Мундо Депортиво“ открива скандал: Мбапе по натпреварот против Барселона предизвикал општа тепачка
Екипата на Пари Сен Жермен во вторникот славеше победа на гости кај Барселона и така се пласираше во полуфиналето од Лигата на шампионите, а шпанските медуми сега откриваат дека натпреварот во Шпанија имал и „трето полувреме“.
Барселона натпреварот на домашен терен го дочека со предност од 2:3 од првиот натпревар во Париз, но во реваншот каталонскиот гигант запиша убедлив пораз со кој се прости од елитното натпреварување.
Килијан Мбапе во реваншот беше стрелец на два гола, а токму тој според информациите на „Мундо Депортиво“ предизвикал тепачка пред соблекувалните на двата тима во која учествувале скоро сите фудбалери и членови на стручниот штаб на тимовите, па бројката била околу 60 луѓе.
🚨 Ce geste de Kylian Mbappé aurait rendu furieux certains joueurs du Barça après le match.
Le Français aurait déclaré : « c’est le football et c’est sur le terrain qu’il faut parler. »
— BeFootball (@_BeFootball) April 18, 2024
„По натпреварот беше многу тензично. Причина беше славјето на фудбалерите на ПСЖ. Славјето беше големо затоа што победата ја доживеаа како одмазда за сезоната 2016/2017. Играчите на ПСЖ го напуштаа теренот славјеќи го триумфот секој на свој начин, но Мбапе беше најжесток“, пишува „Мундо Депортиво“.
„Прво изнервира неколку фудбалери на Барселона, но тоа беше само почеток. Потоа влезе во тунелот и се упати кон гостинската соблекувална, а потоа одново имаше момент на „лудост“ врескајќи со неколку негови соиграчи“, пишува „Мундо Депортиво“ додавајќи дека Мбапе извикувал: „Ова е фудбал, зборуваме само на теренот“.
Тогаш фудбалерите на Барселона сфатиле дека пораката е адресирана за нив, по што настанал хаосот. Засега никој од двата табори не се огласил на оваа тема.
💥💥💥 Mbappé entró al túnel de vestuarios gritando a todo pulmón: “Esto es fútbol y es en el campo donde hay que hablar”
💥 Algunos lo interpretaron como una ‘vacilada’ que terminó en tangana en el túnel de vestuarios
✍️ @ffpolo https://t.co/kDtXu60joI
— Mundo Deportivo (@mundodeportivo) April 18, 2024