Договорено: Арне Слот ќе биде новиот менаџер на Ливерпул
Се чини дека веќе нема дилеми, Арне Слот на крајот од сезоната ќе го замени Јирген Клоп на клупата на англискиот фудбалски клуб Ливерпул.
Наводно, Ливерпул и Феенорд се договориле за условите за надомест што треба да го платат „црвените““, но сè уште не се знае колкава е сумата. Се споменуваат околу 13.500.000 евра, како и дека првите луѓе на Феенорд претходно одбиле 9.000.000.
Во моментов двата клуба работат на документацијата, а потоа Ливерпул ќе може и официјално да го објави името на новиот менаџер.
Холандските медиуми пишуваат дека двете страни се сретнале во петокот, а во последните неколку часа биле преземени конкретни чекори.
Минатата година Слот го предводеше Феенорд до втората шампионска титула во овој век, а во текот на трите сезони во Де Кајп го освои и Купот на Холандија. Најважно е што неговиот тим одигра многу добро, доминантно на теренот и крајно офанзивно, а сето тоа одлично се вклопува со барањата на „Енфилд“.
🚨 BREAKING: Arne Slot will be new Liverpool head coach replacing Jurgen Klopp at the end of the season!
Agreement sealed on compensation between Feyenoord and #LFC, all set also on contract details for Slot.
Here we go. 🇳🇱 pic.twitter.com/Ud3QB6U20m
— Fabrizio Romano (@FabrizioRomano) April 26, 2024
Клоп: Се радувам поради Ливерпул доколку Арне Слот е решението