Конзорциумите предводени од Центарот за семејна медицина на Медицинскиот факултет во Скопје во партнерство со 9 приватни установи за социјална грижа на стари лица и од Средното техничко училиште „Ѓорѓи Наумов“ од Битола во партнерство со 9 битолски компании, се годинешните два добитника на третиот грант на Регионалниот фонд за предизвици (РЦФ), во вредност од над 951 илјада евра. Ова е и официјалниот крај на третиот повик, за стручно образование и обуки изработени во соработка помеѓу претпријатијата и установите за стручно образование и обука во регионот, кој беше означен во Стопанската комора на Македонија.

Првиот проект е наречен „Образование со мобилна симулација за обука“, како одговор на барањата на домовите за стари лица и примарната здравствена заштита, а вредноста на инвестицијата од 362 илјади евра и ќе обезбеди висококвалитетна опрема за учење на далечина и развој на е-алатки за медицински сестри, старатели и палијативни пациенти.

Вториот добитник на грант во висина од 589 илјади евра е наречен „Мост до успех кариера“ е за зајакнување на практични вештини со најсовремена опрема и ќе произведува висококвалификувани техничари за индустриска мехатроника, техничари за електрична енергија и електротехничари за компјутерска технологија и автоматизација.

– Потребно ни е функционално образование кое ќе ги препознава и ќе ги следи потребите на стопанството и дуално образование како најефикасен модел за обезбедување стручен кадар преку практична обука на учениците – истакна Антони Пешев, извршен директор, Стопанската комора на Македонија.

Инаку, на третиот повик за предлог-проекти, пристигнаа 155 изјави на интерес од земјите на Западен Балкан, од кои 25 беа од Македонија, а Комисијата за избор одлучи да ги финансира двата најуспешни проекти со вкупен износ од 951.905 евра.

Регионалниот фонд за предизвици (РЦФ) е финансиска институција што има за цел зголемување на конкурентноста на претпријатијата во Западен Балкан 6 преку финансирање инвестиции во опрема и инфраструктура за проекти за дуално и стручно образование изработени во партнерство на установи за стручно образование и претпријатија. Грантовите се доделуваат по пат на конкурентен регионален предизвик.