Македонија

Одземена лиценцата за производство на топлинска енергија на БЕГ

Регулаторната комисија за енергетика и водни услуги (РКЕ) донесе одлука за одземање на лиценцата за вршење  енергетска дејност производство на топлинска енергија на компанијата Балкан енерџи ДООЕЛ – БЕГ.

Денешната одлука, како што информира претседателот на РКЕ Марко Бислимоски, следува по претходно одржана подготвителна седница во врска со барањето на БЕГ за престанок на лиценцата за вршење на енергетската дејност регулирано производство на топлинска енергија. БЕГ, нагласи, во петокот поднесе и барање за престанок и на лиценците за дистрибуција и снабдување со топлинска енергија, по што РКЕ ќе донесе соодветни одлуки.

-За денешната одлука согласно Законот за енергетика ја известивме Владата која сега треба да спроведе постапка за избор на вршител на енергетска јавна дејност производство на топлинска енергија. Откако ќе биде извршен изборот, РКЕ ќе издаде соод ветна лиценца. Се до завршувањето на процедурата БЕГ законски е обврзана да ја врши јавната дејност – производство на топлина, по што обврската ќе ја преземе компанијата што ќе биде избрана во постапката спроведена од Владата, рече Бислимоски на денешната прес-конференција.

Појасни дека БЕГ како клучни причини во барањето за престанок на важноста на лиценцата ги навела кредитна неспособност, нарушена ликвидност, правна несигурност во работењето поради многубројни судски постапки иницирани против компанијата, оспорување на законитоста на лиценцата за регулирано производство на топлинска енергија од правни лица и институции, како и оспорување на валидноста на договорот за закуп на основни средства.

-Очекувам навреме да заврши процедурата и да се избере нов вршител на дејноста и доколку има гас да нема никакви проблеми во снабдувањето на скопјани со топлинска енергија, рече Бислимоски и додаде дека снабдувањето со гас зависи од глобалните политики.

Земјава, според него освен руски има можност да набави и друг гас преку интерконекторот со Бугарија, бидејќи Бугарија е поврзана со Грција, а, како што кажа, вршителот на енергетска дејност за производство на топлина има и обврска да има алтернативно гориво за 15 дневно непречено снабдување со топлинска енергија, во случајов мазут. Препорача да се размисли мазутот да биде заменет со дизел, бидејќи помалку загадува и додаде дека за тоа ќе бидат потребни само мали адаптации на топланите. Во случај Русија да ја прекине испораката на гас за земјава и да не се најде алтернативен начин, како што рече, трансформаторите во некои скопски општини не се димензионирани да издржат поголемо оптоварување доколку граѓаните се префрлат на греење со електрична енергија.

Шоу биз

Софија Вергара откри што мисли за пластичните операции: Ќе направам се што ќе ми падне на памет

Таа исто така призна дека до сега ќе оперирала многу ситници на себе да не бил нејзиниот напорен распоред како актерка.

Софија Вергара отворено проговори за пластичната хирургија и откри дека планира да ја направи секоја процедура што ќе и текне.

Ѕвездата од „ Modern Family“ изјави дека сè уште не поминала под нож, но наскоро планира да оди кај хирург.

- Ќе направам секоја пластична операција што ќе ми падне на ум кога ќе почувствувам дека сум подготвена - изјавила актерката за списанието „Allure“.

Признала и дека до сега ќе оперирала многу ситници на себе да не бил нејзиниот напорен распоред како актерка.

- Посакувам да имав повеќе време за такви работи, одамна ќе бев оперирана, но не можам да си дозволам да се опоравам неколку недели поради природата на мојата работа - додаде таа.

Признала и дека е голем љубител на ботоксот, но не сака импланти. Смета дека на нејзини години тоа нема смисла.

Извор: Аваз

Технологија

Дали GTA VI доаѓа на компјутер?

Што велат креаторите?

„GTA 6“ е една од ретките игри што ја заобиколува платформата за компјутер.

Тоа не е ништо ново, бидејќи сите „GTA“ игри во последните 23 години беа објавени прво на конзоли, а дури подоцна на компјутер.

Иако се верува дека тоа ќе биде случај со „GTA 6“, „Rockstar“ не сака да го потврди тоа, па даваат малку чудни објаснувања од матичната компанија „Take-Two Interactive“.

Еве што имаше да каже шефот на издавачката куќа на неодамнешната конференција:

„Гледајте, би рекол дека немањето најава не е нешто што е врежано во камен, затоа што единственото нешто што може да се случи по изоставуање на најавата е самата најава. Или продожљување на непостоењето на најавата, верувам дека и тоа може да се случи“.

„Не ми се чини дека ништо од тоа е врежано во камен. Но, „Rockstar“ има пристап до платформи какви што сме виделе претходно и ќе има повеќе најави во догледно време. Верувам дека вистинската стратегија за нашиот бизнис е да бидеме таму каде што потрошувачите се, и ние секогаш сме ги прифаќале сите места каде што се, на секоја платформа каде што има смисла, одредено време“, додаде тој.

Отприлика - ќе има верзија за компјутер, но се уште не сакаат да признаат.

Извор: Б92

Автомобилизам

Светска премиера: „VW Golf GTI Clubsport“

„Volkswagen“ ја претстави новата, подобрена „Clubsport“ верзија на моделот „GTI“.

Овој автомобил има 2.0-литарски четирицилиндричен мотор кој испорачува 296 КС и е еден од најмоќните автомобили со погон на предните тркала на пазарот во моментов.

Максималниот вртежен момент е 400 Nm, а „100“ достигнува за 5,6 секунди - тоа е само 0,2 секунди побавно од конкурентната „Honda Civic Type R“.

Максималната брзина на „Clubsport“ е 267 km/h во пакетот „Race“, а стандардно 250 km/h. Остана без мануелен менувач, па сега има само седумстепен автоматски. Воопшто не постои рачна опција.

Овој модел се одликува со нов софтверски пакет, а како и претходната „Clubsport“, оваа верзија е малку пониска од стандардната „GTI“.

Што се однесува до надворешноста, предниот браник е уникатен, а има и огромен заден спојлер. Значката „VW“ е осветлена, додека фаровите се редизајнирани и може да се вградат со „VW IQ Light LED“ светилки.

Внатрешноста е збогатена со 12,9-инчен инфозабавен систем и 10,2-инчен дигитален инструмент табла, кој работи на најновата верзија на оперативниот систем „MIB“ на германскиот бренд.

Извор: Б92

притисни ентер