По заседанието на Претседателството на владејачката партија во Србија СНС на која присуствуваат високи функционери од партијата, беа соопштени имињата на носителите на министерски функции во новата српска влада на премиерот Милош Вучевиќ.

Претседателот на СНС Милош Вучевиќ е мандатар за состав на новата влада на Србија, по парламентарните избори одржани во декември 2023 година.

-Денеска на седницата на Претседателството на СНС одлучувавме за неколку прашања и теми, а најважно и најинтересно е предлагањето на кандидатите за новата Влада на Србија, рече претседателот на СНС Милош Вучевиќ.

Така за министер за надворешни работи и вицепремиер предложен е Марко Ѓуриќ, за вицепремиер и министер за одбрана – Братислав Гашиќ, прв вицепремиер и министер за финансии – Синиша Мали, министер за внатрешна и надворешна трговија – Томислав Момировиќ, министерка за економија – Андријана Месаровиќ, министер за земјоделство, шумарство и водостопанство – Александар Мартиновиќ.

Во новата влада министер за внатрешни работи е Ивица Дачиќ, министерка за правда Маја Поповиќ, Славица Ѓукиќ Дејановиќ е министерка за образование. Вицепремиер е Александар Вулин, вицепремиер, министер за заштита на животната средина – Ирена Вујовиќ, министер за градежништво, транспорт и инфраструктура – Горан Весиќ, министерка за рударство и енергетика – Дубравка Ѓедовиќ Хандановиќ.

За министерка за администрација и локална самоуправа е предложена Јелена Ковачевиќ, за министер за човекови и малцински права и социјален дијалог – Томислав Жигманов, за министерка за наука и иновации и технолошки развој – Јелена Беговиќ, министер за здравство – Златибор Лончар, министер за труд, бранители и социјала – Немања Старовиќ, министер за семејна грижа и демографија – Милица Ѓурѓевиќ Стаменковски, министер за туризам и млади – Хусеин Мемиќ Министер за култура – Никола Селаковиќ, министер за грижа на село – Милан Кркобабиќ, а министри без ресори се Новица Тончев, Ѓорѓе Милиќевиќ, Усаме Зукорлиќ, Ненад Поповиќ, Татјана Мацура.

Претседателот на Србија, Александар Вучиќ, кој е и член на СНС, вчера најави дека 33 до 35 отсто од новата Влада на Србија ќе бидат нови луѓе.