МИНИСТЕРСТВОТО ЗА ФИНАНСИИ ОБЈАВИ ПОДАТОЦИ: Колку изнесува јавниот долг?
Објавено во: Економија 30 Април, 2024
Јавниот долг на крајот на првиот квартал изнесува 58,6 отсто од БДП.
Министерството за финансии денеска ги објави податоците за состојбата на јавниот долг заклучно со 31 март 2024 година. Во согласност со објавените податоци јавниот долг изнесува 8.769 милиони евра што претставува 58,6 отсто од БДП.
„Во првиот квартал се издадени државни хартии од вредност во износ од 219,2 милиони евра, повлечени се средства во износ од 175,5 милион евра по основ на склучени кредитни аранжмани со странски кредитори, како што е повлекувањето на втората транша од ММФ од кредитната линија за претпазливост и ликвидност и 57,6 милиони евра по основ заеми за јавни претпријатија и АД основани од државата и општините, општините во градот Скопје и Градот Скопје. При тоа извршена е и исплата на обврски по основ на главнина за надворешен долг во износ од 82,7 милиони евра“, соопшти МФ.
Министерството за финансии ја објавува состојбата на јавниот долг на квартално ниво, а при пресметката на јавениот долг во однос на БДП се користени податоци за вредноста на БДП за период 2005 – 2024 година, за 2022 година користен е податок за вредност на БДП објавен на веб страната на Државниот завод за статистика, додека податоците за 2023 се прелиминарни податоци на Државниот завод за статистика, а 2024 година е проектирана вредност на БДП на Министерство за финансии.
Исто така, денеска согласно утврдената динамика, Министерството за финансии ги објави податоците за состојбата на државниот долг кој заклучно со 31 март 2024 година изнесува 7.544 милиони евра што претставува 50,4 отсто од БДП. Состојбата на државниот долг се објавува на месечно ниво.
Со новиот Закон за буџети е воспоставено правило со кое јавниот долг не треба да надминува 60 отсто од БДП, што е во согласност и со Мастришките критериуми. Министерството за финансии останува на определбата за одржување на јавниот долг на стабилно ниво и во рамки на утврдените критериуми.
Можеби ќе ве интересира
НАТОКМИЈА УБАВО ПРОФИТНО „ЧЕКМЕЏЕ“ ОД ЕДЕН И ПОЛ МИЛИОНИ ЕВРА - кои се шпедитерите што не сакаат да се „мрсат“ со дивиденда, ќе земат само „ситно“
ЗА 10 ГОДИНИ ЌЕ НЕМА КОЈ ДА ПОПРАВА ОБУВКИ: Чевларите се песимисти за иднината на нивниот занает
КОИ СЕ ТИЕ ГОЛЕМИ ДОМАЌИНИ: Ланската добивка од три милиони евра ќе се реинвестира, а 8 и пол милиони од претходната година ќе се чуваат, дивиденда нема да има
Зошто богатите во Европа пијат поевтина „кока-кола“?
ИСКУСНИТЕ ДОБРО ЗАРАБОТУВААТ, А ВЕШТИНАТА БРЗО СЕ УЧИ: За оваа работа плаќаат 15 евра, но не по саат, еве за што се работи
ПОЛЕСНО ДО ГЕРМАНИЈА: олеснет влезот на работниците од земјите надвор од Европската унија
ПОВЕЌЕ КРЕДИТИ ДОБИВААТ МАЖИТЕ: бројките покажуваат дека неопходна е финансиска едукација кај жените за поголем економски раст
РУСИЈА СТАНА ЧЕТВРТА НАЈСИЛНА СВЕТСКА ЕКОНОМИЈА: Таа придонесува за глобалниот БДП повеќе од Јапонија и Германија
ЦЕНАТА НА ПЧЕНИЦАТА ВРТОГЛАВО ПОРАСНА - сега е на највисоко ниво во последната година
