Цената на какаото вртоглаво расте

На њујоршката берзa какаото за еден ден поскапе за повеќе од 700 долари за тон и неговата цена надмина 9.000 долари за тон и беше поскапо од бакарот.

Овој месец фјучерсите пораснале за околу 50% а за една година овој пораст е двоен. Лошите жетви поради временските услови и болестите на посевите кај западноафричките одлгедувачи на какао каде што се произведува најголемиот дел од какаото, ја оставија оваа индустрија во незавидна ситуација, пренесува „Сибиз“.

Германските потрошувачи за Велигден веројатно ќе мораат што подлабоко да ја пикнат раката во џебот кога ќе купуваат чоколадни јајца и зајачиња, пренесува „дпа“.

Поскапувањето на  главната состојка на чоколадото, какаото, е најголемо во последниве 20 години.

 Од германскиот Заводот за статистика соопштиваат дека увозната цена на зрна и гранули од какао била за 73,4 отсто повисока во однос на претходните 12 месеци, додека увозт на какао масата и путерот истовремено поскапел за 49,4 отсто.

Извор: „дпа“

Фото: Pexels