Делови од стаорци пронајдени во пакувања леб во Јапонија
Еден од најголемите јапонски добавувачи на храна повлече повеќе од 100.000 пакетчиња од популарната марка на сечен бел леб, откако во некои од нив беа пронајдени делови од стаорци. Корпорацијата Паско Шикишима во средата објави дека истражува како делови од глодарот завршиле во две пакувања леб.
Тие додадоа дека нема пријавени случаи на заболување по консумирањето на нивниот леб, кој го произведува фабрика со седиште во западната префектура Токио. „Ќе ги повлечеме наведените производи и ќе ја запреме производната линија за да ја утврдиме причината и да спроведеме контрамерки“, се вели во соопштението.
Компанијата има намера да повлече од пазарот околу 104.000 пакувања леб. „Повлечениот производ не се продава во странство“, изјави портпаролот на компанијата за Си-Ен-Ен. Паско, основана во 1920 година, е главен снабдувач на пекарски производи и вработува повеќе од 3.700 работници во 12 фабрики низ целата земја.
Ова не е единствениот инцидент со храна во последната година. Во март, јапонските здравствени власти отповикаа три додатоци во исхраната од Кобајаши Фармасетукал, голем производител на лекови, по неколку смртни случаи. Минатиот август, добавувачот на храна Варабеја Ничијо пронашол лебарки во топчиња од ориз, продадени во продавницата 7-Елевен во Саитама, северно од Токио.