Кожув со триумфот над Охрид го потврди опстанокот во елитата
По само една сезона „престој“ во елитната конкуренција, кошаркарите на Охрид во следната натпреварувачка сезона ќе биде дел од второлигашите.
А за тоа на едно коло пред крајот на плеј-аут лигата се погрижи Кожув од Гевгелија кој славеше убедливо со 89:55 во салата „Билјанини извори“ за потврда на опстанокот во друштвото на најдобрите.
Екипата од Гевгелија само потврди дека е најквалитетната во оваа мини-конкуренција на четири екипи од кои последните две ќе се преселат во понискиот ранг.
Статистички гледано, Караџовски реализираше најмногу поени, вкупно 19 (плус пет асистенции и три скока). Во домашната екипа Бојовски постигна 10 поени.
Од 18.00 часот, во салата „Независна Македонија“ ќе се игра уште еден важен меч за изгледот на табелата во Плеј-аут сегментот, во кој екипата на Навико Академија ФМП го дочекува Вардар.
ПЛЕЈ-АУТ ЛИГА
ДВОЈКИ И РЕЗУЛТАТИ, ПЕТТО КОЛО
Охрид – Кожув 55:89
18.00 часот: Навико Академија ФМП – Вардар
ТАБЕЛА: Кожув 36 бодови, Вардар 32, Навико Академија ФМП 32, Охрид 32.
ИДНО КОЛО (27/28 април)
Вардар – Охрид
Кожув – Навико Академија ФМП