Кардиоваскуларните болести се една од главните причини за смртност во светот, па затоа е многу важно да се посвети посебно внимание на здравјето на срцето.
Исхраната тука игра голема улога, а од истата честопати се препорачува да се исфрлат сирењата. Вистина е дека некои сирења не се многу добри за срцето, но сепак постојат и поздрави опции.
„Некои намирници, како оние со висок удел на заситени масти и натриум, можат да го зголемат ризикот од кардиоваскуларни болести“, вели кардиологот д-р Ченг-Хан Чен за „Parade“. Спротивно на тоа, растителната исхрана богата со влакна и малку заситени масти може да биде корисна за здравјето на срцето.
Сепак, иако сирењето содржи заситени масти и натриум, кардиологот вели дека тоа сепак може да биде дел од исхраната која е здрава за срцето. Сепак, нагласува: „Сирењето што ќе го изберете не треба да биде премногу богато со заситени масти и натриум, и треба да го јадете умерено“. Д-р Чен открива еден вид сирење во кое се колне дека е добро за здравјето на срцето.
„Моцарелата е добар извор на протеини и калциум, па дури и содржи пробиотици кои можат да имаат корист за здравјето и имунитетот на цревата. Свежата моцарела има помалку заситени масти и натриум од другите сирења“, вели д-р Чен. Тој тврди дека моцарелата е едно од најдобрите сирења поради ниската содржина на натриум и заситени масти.
Моцарела од 28 грама содржи повеќе од 6 грама протеини, 143 милиграми калциум, 138 милиграми натриум и околу 4 грама заситени масти.
Сепак, треба да ги погледнете податоците за хранливите вредности на етикетата на моцарелата бидејќи нивото на натриум може да варира. „Добро е да се избегнува моцарела со премногу натриум затоа што може да го зголеми крвниот притисок, меѓу другите ефекти“, заклучил кардиологот.
