За појадок или вечера вообичаено ни се јаде она што најбрзо може да се подготви, а белгиските вафли нема да ви одземат многу време.

Исто така се вели дека за вкусови не треба да се расправа, но нивниот е толку маѓепсувачки што сите ќе ги освои.

Состојки:

- 2 јајца (одделете ги белките од жолчките);
- Прстофат сол;
- 125 милилитри масло за јадење;
- 300 милилитри млеко;
- 1 лажица арома од ванила;
- 50 грама шеќер;
- 10 грама прашок за печиво;
- 250 грама брашно.

Подготовка:

Прво изматете ги белките додека не добиете цврста смеса, а потоа во друг сад измешајте ги состојките, на крај добиената смеса соединете ја со изматените белки.

Вашата смеса за вафли е подготвена и сѐ што треба да направите е да ги испечете и да уживате во вкусот. Може да ги филувате по желба, а можат да се јадат и без дополнителен фил.

На здравје!