Сергеј Трифуновиќ за неодамнешното апсење: „Сега сум нов човек – превоспитан“
Српскиот актер Сергеј Трифуновиќ (51) неодамна беше уапсен додека купувал дрога.
Две недели подоцна, тој конечно се огласи на оваа тема на социјалните мрежи.
„Дури сега си го добив телефонот назад. Бев на вештачење со цел да се откријат и другите членови на мојот наркокартел. Имам 6000 пропуштени повици и пораки и во оваа прилика сакам да им се заблагодарам на сите за грижата и поддршката. Поединечно, тоа би траело со денови. Важно е да знаете дека правдата во Србија постои и дека органите си ја вршат својата работа. Сега јас сум сосема поинаков човек. Превоспитан. Подобар. Спортист. Сите да излезете на избори“, напиша тој во својата објава на Инстаграм.
Да потсетиме, Сергеј Трифуновиќ кон средината на април беше приведен во белградски Вождовац, откако, како што пренесуваат српските медиуми, купил дрога од познаник.
По сослушувањето во Вишото јавно обвинителство во Белград, на актерот му е укинат притворот, а според извори на српските медиуми, Трифуновиќ признал дека дрогата ја поседувал за лична употреба, па не останал во притвор.