Првиот човек на шпанскиот фудбал објасни зошто во Ла Лига нема гол-технологија
Првиот човек на Шпанската фудбалска федерација, Хавиер Тебас објасни зошто во Шпанија не се користи гол-технологијата.
Во Шпанија многу се коментира на оваа тема откако во „Ел Класико“ имаше спорен момент во кој не е јасно дали топката во една ситуација по шутот на Ламин Јамал ја мина гол-линијата.
Судиите на теренот и во ВАР собата донесоа одлука дека не било гол, а тоа предизвика бурни реакции во јавноста. Барселона најави дури и тужба за шпанската федерација најавувајќи дека е спремна да побара и преигрување на дербито.
Тебас денес објасни дека во Шпанија нема гол-технологија затоа што била премногу скапа, а не е перфектна.
„Технологијата не е перфектна, тоа е првата причина. Во текот на сезоната такви ситуации има три или четири и ако на тоа се додаде дека не е перфектна, а е премногу сакапа тогаш јасно е дека не е исплатливо. За да се воведе гол-технологијата потребно е да се плати сума од пет или шест милиони евра. Она што можеме да го направиме е да имплементираме камери кои ќе помагаат на судиите“, изјави Тебас.
Барселона не се откажува: Правда за спорниот момент од „Ел Класико“ ќе бара и на суд