Во моите детски очи никој – дури ни татко ми – не беше помоќен од мајка ми, на која ѝ дадов прекар Силната Жена. Таа не можеше да крева огромен товар, но нејзината личност и присуство беа доволно впечатливи, па кога требаше да заплаши или да остави впечаток, таа дефинитивно го изведуваше тоа.

Само прашајте ги децата покрај кои пораснав, кои ја направија таа грешка и ме задеваа, за да ја најдам мајка ми како стои пред нивните влезни врати и вика со нејзиниот тежок бруклински акцент. Кога ве воспитува силна жена, нема сомнеж дека овие 13 работи ќе ви се случат.

Вие сте единствената личност која кажува работи што никој не сака да ги слушне

Кога ве воспитува силна жена што ја кажува вистината, растете очекувајќи дека луѓето ќе сакаат да ја слушнат и ќе можат да се справат со неа. Погодете што? Најчесто не можат.

Не сте премногу сочувствителни

Мајка ми е љубезен слушател и е емпатична кон луѓето, но кога јас ќе згрешев нешто, мајка ми не беше секогаш тука за да каже: „Жал ми е“. Наместо тоа, таа ми велеше: „Леле, колку беше глупаво тоа што го направи!“

И беше во право – поголемиот дел од времето, што и да правев, беше прилично глупаво, но на крајот таа беше тука за да понуди поддршка и да ги олесни поразите. Јас сум многу емпатична личност, но пораснав да го прифатам методот на мајка ми: кон назад. Прво нудам емпатија, а потоа велам: „Зошто по ѓаволите го направи тоа?“, на понежен начин. Се плашам да не бидам премногу груба, па затоа имам тенденција да ја засладувам таа последна реченица, кога всушност почесто би требало да бидам директна.

Се грижиш за моментот кога твоите партнери ќе ја сретнат мајка ти, а не татко ти

Татко ми е мил човек во споредба со мајка ми. Освен тоа, тој работеше многу, па кога момчињата доаѓаа кај мене дома, не се грижев многу за тоа што може да помисли. Но, сигурно се грижев што ќе направи мајка ми. Дури и ако татко ми не сакаше некого, тој не го покажуваше тоа толку очигледно како мајка ми. Ако мајка ми се сомневаше во нешто за некоја личност, таа упатуваше прашања, покажуваше скептицизам и вербално не одобруваше, ако сметаше дека така е соодветно.

Подоцна во животот сфатив дека и јас покажувам сѐ на моето лице, а ако се сомневам во некого, не го кријам тоа. Тоа може да биде фрустрирачко затоа што понекогаш би сакала да ги чувам моите чувства под „обвивка“. Но, мислам дека луѓето сметаат оти мојата искреност е освежувачка (понекогаш).

Учите дека простувањето не е секогаш оправдано

Мајка ми е тврдоглава и простувањето кај неа не доаѓа лесно. Ќе мислите дека и јас сум иста таква, но јас сум всушност спротивното: премногу простувам. Посакувам да можам да ја повлечам линијата во однос на границите, на начин на кој таа го правеше тоа.

Кога имав дваесетина години, им давав многу шанси на мажите кои најчесто беа нефер кон мене. Не знаев како да ги отстранам лошите луѓе од мојот живот. Мајка ми секогаш ми велеше: „Лаура, луѓето не се толку искрени како тебе. Верувај ми“. За жал, таа беше во право. Иако станав подобра, до ден-денес ми е тешко да се откажам од лошите луѓе и лошите ситуации.

Растете во жена која ги застрашува другите

Налетав на мојата симпатија од основно училиште пред неколку години и се пошегував за тоа дека требало да се ожени со мене. Неговиот одговор? „Беше премногу како жена за мене, дури и во трето одделение“.

Кога ве воспитува силна алфа-жена, и вие станувате таква, на многу начини. Станувате девојка од која момчињата се исплашени и жена од која мажите се исплашени. Слушате дека сте премногу „паметни“ или „гласни“.

Водите битки за луѓе кои не можат да се борат за себе

На дванаесет години удрив со тупаница едно момче кое беше двојно поголемо од мене затоа што давеше беспомошно дете. На дваесет и седум години во автобус слушнав како маж вербално ја малтретира својата сопруга. Таа само седеше и го трпеше сето тоа. Конечно, станав и му го покажав негово место.

Мајка ми секогаш се залагаше за нас, без разлика дали станува збор за насилници од соседството, чудни учителки или страшни дечковци. Таа никогаш не бегаше од никого и нѐ научи да возвратиме ако треба.

Луѓето доаѓаат кај вас за совет

И покрај тоа што чесноста на мајка ми беше преголема за луѓето, тие сепак доаѓаа да ѝ побараат совет. Седеа на масата во нашата кујна додека мајка ми ги слушаше и го кажуваше нејзиното мислење. Сега, јас сум често таа на „кујнската маса“ што слуша и заработува од тоа. Како писател, добивам пораки од непознати за нивните брачни проблеми, и иако не ги знам, сепак се трудам да одговорам на секоја порака.

Се обидувате да ги натерате луѓето да ви се отворат

Мајка ми отсекогаш имала способност да ги натера луѓето да разговараат со неа, и ова е добра работа. Колку повеќе зборуваат луѓето, толку повеќе знаете за нив и можете да им верувате, да ги сакате – или не.

Јас сум госпоѓата на која странците ѝ пристапуваат за да ги споделат своите животни приказни додека се во супермаркет, салон за нокти и „Старбакс“. Во најголем дел, ова го прави мојот живот интересен, иако понекогаш посакувам луѓето да замолкнат.

Луѓето претпоставуваат дека можете да се справите со сѐ

Како вработена мајка на четири девојчиња, мајка ми беше навидум неуништлива и покрај тоа што имаше сериозни тегоби во животот. Сега јас, како вработена мајка, минував низ развод, па луѓето често коментираат колку изгледам среќно и позитивно.

Се разбира, зад завесите, моите блиски пријатели знаат дека не сум секогаш среќна и не секогаш позитивна, но кога те воспитува силна жена и ќе пораснеш во таква, луѓето очекуваат да трпиш повеќе отколку што тие го прават тоа за другите луѓе… и тоа навистина може да биде премногу.

Учиш да се згрчуваш однатре

Понекогаш мајка ми можеше да биде премногу строга кога го даваше својот „лек“, па научив да се згрчувам однатре и да не покажувам. Ако го види моето неодобрување, тоа би можело да биде лошо за мене.

Ги наоѓате вашите животни страсти

Мајка ми нè охрабруваше сите нас, нејзините ќерки, да се бориме за она што го сакаме, дури и ако понекогаш мислеше дека сме чудни. Таа ни дозволи да бидеме тоа што сме. Благодарение на неа, отсекогаш ги следев моите соништа.

Зборувате за квалитетите на другите жени и ги цените

Благодарение на мајка ми и нејзините методи, верувам во застапувањето на жените без разлика на нивниот избор или причина. Ги поддржувам моите пријатели и го кажувам мојот став кога мислам дека луѓето се сексисти или засрамуваат друга жена.

Исто така, сметам дека ги ценам моите пријателки и сфаќам колку е важно да се поддржуваме една со друга.

Никогаш нема да знам како е да се биде во сенката на тивка и понизна жена, и благодарна сум за тоа, бидејќи мајка ми ме воспита да бидам силна како неа, си имам своe светло место и никогаш нема да се изгубам во толпата.

Автор: Лаура Лифшиц

Извор