ФОТО: Во Хондурас запленети повеќе од 2,8 тони кокаин
Вооружените сили на Хондурас конфискуваа повеќе од 2,8 тони кокаин , што го пронајдоа на два мали чамци и на плажа на брегот на Карибите на земјата, објавија во понеделник.
Првично беа запленети 2.760 пакувања дрога , тешки по еден килограм, објасни претставникот на вооружените сили Сантос Ноласко.
Дел од дрогата е пронајдена закопана на плажа и продолжуваат истрагите во областа за да се утврди дали има други количини таму, додаде портпаролот.
Дрогата, која по истрагите достигнала 2.835 пакети, била транспортирана во главниот град и во населбата Грацијас а Диос , како што соопштија властите во Хондурас.
FF.AA en operación de impacto en la lucha contra el narcotráfico decomisa 2,760 paquetes de supuesta cocaína.
Para mayor información 👇https://t.co/3wIvywYuYc pic.twitter.com/0LEvqDYYQI— Fuerzas Armadas de Honduras (@FFAAHN) April 22, 2024
На 24 март беа запленети повеќе од 1,3 тони кокаин и беа уапсени десет наводни шверцери на дрога на Карибите.
Од 1970-тите, Хондурас е дел од патиштата за транспорт на кокаин од Латинска Америка каде што се произведува до САД.
Претседателката на Хондурас Сиомара Кастро, која ја презеде функцијата во јануари 2022 година, вети дека ќе се бори против трговијата со дрога.
Llegan a la capital parte de los 2,835 paquetes de cocaína decomisados en una operación conjunta entre las #FFAA, #FNH y la #ATIC, en el departamento de Gracias a Dios. pic.twitter.com/XZzuzzaXlx
— Fuerzas Armadas de Honduras (@FFAAHN) April 22, 2024
Нејзиниот претходник, Хуан Орландо Хернандез, беше екстрадиран и приведен во САД набргу по напуштањето на функцијата.
На 8 март, поротата во федералниот суд во Њујорк го прогласи за виновен, по завршувањето на историскиот процес, за олеснување на увозот на повеќе од 500 тони кокаин во САД од 2004 до 2022 година.
Тој треба да биде осуден на 26 јуни. Му се заканува доживотен затвор.