Ивана Кнез со моќен статус за 8 Март: „Не успеав - имам кариера, но немам партнер и деца“
- Детали
- петок, 08 март 2024
„Не успеав, се вклопив во шема на кариеристки. Ама ќе успеам да излезам од неа и да си врзам два шамара за да се освестам и да си признаам дека е магија да си жена, кревка и кршлива“, пишува Ивана Кнез.
Модната дизајнерка Ивана Кнез со искрен и моќен статус на Инстаграм им го честита 8 Март на сите жени.
Таа вели дека е богата, а сепак не успеала во животот, бидејќи се фокусирала на кариерата и нема семејство, но ќе го смени тоа.
Ивана ја опиша и успешната жена - онаа која ужива во среќата, му се радува на семејството, не се расправа со его и суета...
„Мамо, јас сум богат човек.
Не успеав. Имам кариера, имам сè што ми треба, по толку големи борби имам и здравје, се имам сама себе, но немам партнер и немам деца.
Не успеав. Не успеавте ни вие што се омаживте за да исполните општествена квота или да задоволите туѓи стандарди за среќа, не успеавте ни вие што родивте деца за да задржите маж, ниту вие што останувате во брак за да не сте сами.
Успеа жената која најде баланс, која знае што ја прави среќна, која се радува на малите работи во животот, која секој ден е благодарна што се буди покрај познато лице, која едвај чека да помине време со детулето откако ќе се врати исцрпена од работа.
Успеа жената која не се расправа со суета и его, која живее за миговите поминати со пријателите.
Успеа жената која се бори за својот партнер исто како што се бори сама за себе, која не се срами и која не се плаши да побара сè што овој живот има простор да ѝ даде.
Не успеав, се вклопив во шема на кариеристки. Ама ќе успеам да излезам од неа и да си врзам два шамара за да се освестам и да си признаам дека е магија да си жена на која ѝ е потребно сè.
Кревка и кршлива, ама кога ќе ја избрусиш, животов ќе го претвори во блескав дијамант.
Среќен интернационален ден на жените, секој ден е, сè додека успеваме да ги живееме нашите соништа без страв од кршење“.
А. Ј. | Црнобело
Би можело да ве интересира:
Препорачуваме
Најчитани неделава
