Ова, се разбира, е сосема природно додека растеме и созреваме заедно. А, една личност сега дала објаснување зошто тоа се случува со текот на времето.

Стариел Хоуп Њуман, која ги проучува меѓучовечките односи и себеси се нарекува „личен тренер за љубов“, вели дека привлечноста со текот на времето избледува поради нештата кои го блокираат протокот на енергија од едниот до другиот партнер.

Еве зошто нема хемија помеѓу вас

На „Instagram“ споделила видео со дијаграм кој покажува како работите се менуваат со текот на времето.

„Привлечноста се случува кога енергијата може слободно да тече помеѓу двајца луѓе. Ова го нарекуваме хемија“, објаснува Стариел.

Таа тоа го истакнала со илустрација на проѕирно стакло меѓу двајца.

„Кога врската допрва почнува, тоа е сосема јасно. Тогаш нема лутина, енергијата може слободно да тече. Со текот на времето, сè повеќе работи остануваат недоречени. Секој пат кога постои макар и некој мал конфликт кој останува нерешен, тоа е како да фрлате куп кал на тоа стакло. Со текот на времето, сè повеќе и повеќе од овие работи се случуваат. И имате сè повеќе и повеќе кал, толку многу кал што повеќе не се ни гледате преку стаклото, така што имате многу помалку проток на енергија.

Како да го решите овој проблем?

Свое мислење дала и експертката за односи, Мишел Баги, основачка на „Ignite Dating“ и таа открила неколку практични совети како повторно да пронајдете привлечност еден во друг.

„Комуникацијата е толку важна во врската и може да помогне да се запре наталожувањето на повредени чувства и гнев доколку ги решавате проблемите кога ќе се појават. Може да биде примамливо да избегнете конфликт, не сакате да се расправате, но отвореноста и искреноста помага и на двајцата да најдете решенија за проблемите со кои се соочувавте, а притоа подобро да ги разберете своите потреби во врската.

Доколку директно се справувате со проблемите, постои помал ризик да станете премногу критични кон партнерот и ќе можете да одржувате здрав однос. И двајцата треба да препознаете дека за одржување на искрата е потребна работа, па затоа и двајцата мора да се погрижите да сте приоритет еден на друг како би одржале исполнет однос каде што навистина се цените меѓусебно.“

Одржувањето на привлечноста не е само контрола на штетата, туку и за да бидете сигурни дека основата на врската е силна и дека потребите на секој партнер се задоволени.

„Малите дела на љубов и одвојувањето време еден за друг може да помогнат да се изгради витална интимност и да направите вашиот партнер да се почувствува признаен. Многу е важно одвреме навреме да ги промените активностите и заедничките забави на кои сте навикнати, така што заедно ќе пробувате нови работи – било да станува збор за редовно излегување во кое секој пат пробувате храна во нов ресторан или делите спонтани авантури, работи кои навистина ве прават возбудени поради заедничкото живеење и можат да ви помогнат повторно да се фокусирате еден на друг“, порачува таа.