Фудбал

Вонредни мерки за тимот на Манчестер сити на гостувањето во Ливерпул

Полицијата во Ливерпул ќе преземе безбедносни мерки повеќе од нормално на очекуваната рута по која автобусот на тимот на Манчестер сити ќе патува до „Енфилд“ в недела, објави „Дејли Мејл“. 

За 10 март е закажано дербито меѓу најголемите претенденти за титулата во Премиер лигата.

Често се случува навивачите на „црвените“ да фрлаат разни предмети кон автобусите на ривалите, а во декември беше оштетено возилото на Манчестер јунајтед. За овој инцидент беше уапсен 23-годишен маж.

Постојаната битка во последните сезони меѓу тимовите предводени од Јирген Клоп и Хосеп Гвардиола доведе и до зголемување на тензијата меѓу приврзаниците на двата тима.

Еднаш, за време на натпревар на „Етихад“ во Манчестер, тинејџерка од домашната публика беше погодена од кригла полна со монети фрлени од приврзаниците на „Црвените“. Како резултат на овој и други инциденти, управата на Манчестер сити го намали бројот на места што ги доделува за гостинските навивачи на Ливерпул.

Забава

Фото: Лепа Брена на јахта за Велигден

Големата балканска музичка ѕвезда Лепа Брена на социјалните мрежи откри дека најголемиот христијански празник Велигден ќе го помине на својата јахта вредна 6 милиони евра.

Пејачката отпатувала на луксузна дестинација, а на својот Инстаграм профил објавила и покажала колку уживала.

На фотките Брена позира на палубата од јахтата.

Шоу биз

Видео: Рекорден концерт на Мадона во Рио

Кралицата на попот Мадона постави уште еден рекорд. Легендарната пејачка одржа рекорден бесплатен концерт во Рио де Жанеиро, на кој присуствувале фантастични два милиони луѓе -!

Кралицата на попот Мадона синоќа на плажата Копакабана во Рио де Жанеиро го одржа последниот концерт од својата турнеја „Celebration“, а се проценува дека спектаклот го посетиле меѓу 1,6 и 2,2 милиони луѓе.

Мадона на тој начин го сруши рекордот на Дијана Рос и овој настап сега и официјално е најпосетениот концерт на една изведувачка во историјата.

Ова воедно беше нејзин 81 концерт од мегауспешната турнеја со која ја прослави својата 40-годишна кариера.

Концертот бил бесплатен, а е финансиран од најголемата банка во Латинска Америка како подарок за граѓаните.

Забава

Фото: Бритни Спирс во центар на нов скандал: Покриена со јорган надвор од хотел

Според дел од светските медиуми, контроверзната музичка ѕвезда Бритни Спирс била видена во ноќта помеѓу 1 и 2 мај,  облечена само по долна облека покриена со јорган пред хотел.

Како што наведува „ТМЗ“, пејачката била во хотелот Шато Мармонт со своето момче Пол Солиз.

Во текот на вечерта дошло до конфликт, најверојатно меѓу нив двајца, по што некој од присутните повикал полиција, велејќи дека женско лице, кое наликува на Бритни Спирс, малтретирало луѓе и им се заканувало.

Полицијата пристигнала по 22:30 часот, но не констатирала траги на насилство и си заминала.

Изворот на ТМЗ наведува дека Бритни и Пол отишле во хотелска соба, каде продолжиле да пијат. Набрзо повторно се скарале, по што, според изворот, дошло до физички контакт, при што Бритни си ја повредила ногата.

Бритни потоа истрчала во ходникот, викајќи и врескајќи, а гостите повикале брза помош, која брзо пристигнала и успеала да стапи во контакт со пејачката, пренесува „b92“.

притисни ентер